734002, Тоҷикистон Душанбе, к. Спортивная 6; (+992 37) 2351023; 2367815;

Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Меню

Таърихи мо

Аз таърихи таъсиси Кумита (1991-2017)

Ҷумҳурии Тоҷикистон баробари ба даст овардани истиқлолият зарурати ташаккул ва амалӣ намудани сиёсати давлатии ҷавононро пазируфтааст. Баъди 6 моҳи соҳиб гаштан ба истиқлолияти давлатӣ аз ҷониби Шӯрои Олии Ҷумҳурии Тоҷикистон қабул гаштани қонуни асосии ҷавонон – Қонун «Дар бораи сиёсати давлатии ҷавонон» (13 марти соли 1992 тасдиқ гаштааст) далели ин гуфтаҳост. Ибрози он бамаврид аст, ки Ҷумҳурии Тоҷикистон миёни Иттиҳоди Давлатҳои Мустақил яке аз аввалинҳо шуда, қонуни асосии ҷавононро қабул кардааст. Ин бори дигар собит месозад, ки кишвари азизамон Тоҷикистон дар таҳкими сиёсати давлатдорӣ ва сохтмони ҷомеаи демократии ҳуқуқбунёд ташаккули сиёсати ҷавононро яке аз самтҳои асосӣ ва стратегии фаъолият медонад.

Пеш аз қабули қонуни мазкур заҳмати Кумитаи Марказии анҷумани XXV Иттифоқи Ленинии Коммунистии Тоҷикистон (ИЛКҶТ) беканор буд. Бо амри тақдир вазифаи азнавсозии фаъолияти комсомол дар шароити ноустувори ҷамъиятӣ, буҳрони системаи иҷтимоию иқтисодӣ, ки ба рушди иҷтимоии ҷавонон халал мерасониданд, ба зиммаи ҳамин анҷумани комсомоли Тоҷикистон вогузор гашта буд.

Бо назардошти ин, анҷумани XXV ИЛКҶТ 18 сентябри соли 1990 қарори дахлдорро оид ба лоиҳаи Қонун «Оид ба сиёсати ҷавонони РСС Тоҷикистон» қабул менамояд, ки дар он анҷуман изтиробу ҳаракати худро нисбат ба вазъияти номусоиди иқтисодӣ, ҳолати ногувори саломатии руҳию маънавӣ ва ҷисмонию ахлоқии насли ҷавон изҳор намуда, диққати роҳбарияти давлат ва Ҳукумати мамлакатро ба ҳалли таъҷилии масъалаҳои ҷавонон, коркард ва асосҳои сиёсати давлатии ҷавонон, фароҳам овардани шароитҳо барои рушди фаъолияти иқтисодию сиёсии ҷавонон ҷалб карда буд. Ҳамзамон вакилони анҷуман муҳимият ва зарурати ин сиёсатро дар раванди ташаккули тарбияи идеологии ҷавонон пазироӣ намуда, ҳамаҷониба дастгирӣ намуданд. Дар марҳилаи хотимаёбии ин анҷуман ногузирии таҳия ва татбиқи амалии сиёсати комилу босамари давлат нисбат ба ҷавонон иброз гардида, ҳайати нави Кумитаи Марказии ИЛКҶТ вазифадор гардид, ки ҳарчи тезтар лоиҳаи Қонуни РСС Тоҷикистон «Дар бораи ҷавонон»-ро таҳия намуда, ба сессияи навбатии Шурои Олии ҷумхурӣ барои баррасӣ пешниҳод намояд.

Тибқи ин супориш, пленуми Шурои Кумитаи Марказии (ШКМ) ИЛКҶТ-и 27 декабри соли 1990 баргузор гашта лоихаи Қонун «Дар бораи ҷавонон»-ро ба Шурои Олии РСС Тоҷикистон пешниҳод намуд.

Кумитаи Марказии комсомоли Тоҷикистон роҷеъ ба масъалаи таъсис додани сохтори иҷроияи сиёсати давлатии ҷавонон расман ба Президенти РСС Тоҷикистон Қ. Маҳкамов муроҷиат менамояд. Дар ин хуҷҷат зикр гаштааст, ки «Ҳоло дар доираи қонунгузорӣ КМ ИЛКҶ Тоҷикистон лоихаи Қонун «Дар бораи ҷавонони РСС Тоҷикистон»-ро пешниҳод намуд, қарорҳои Шуроҳои вилоятию шаҳрии депутатҳои халқи Ленинобод «Дар бораи тадбирҳо оид ба ташаккул додани сиёсати давлатии ҷавонон» кабул гаштаанд, корҳо барои омода сохтани барномаҳои ҷавонон дар вилоятхои Қургонтеппа ва Кӯлоб оғоз шудаанд, дар баъзе шаҳру ноҳияҳо корхонаҳои саноатӣ, колхозу савхозҳо як қатор қарорҳо оид ба ҳимояи манфиатҳои ҷавонон, мусоидат намудан ба фаъолияти хоҷагии онҳо ва дастгирии созмонҳои ҷавонон қабул гаштааст». Ҳамин тавр, дар ҷумҳурӣ ҷараёни сиёсати мақсаддори ҷавонон фаъолона ташаккул меёбад. Дар хуҷҷати мазкур КМ ИЛКҶТ талаботи худро оид ба ҳарчи тезтар таъсис додани мақомоти давлатии кор бо ҷавонон дар сохтори ҳокимияти иҷроия изҳор намуда, тартиботи мушаххаси ташаккул додан ва муайян кардани статуси ин мақомотро пешниҳод кардааст.

Дар натиҷаи ин заҳматҳо 9 феврали соли 1991 бо Фармони Презденти РСС Тоҷикистон №ФП-27 Кумитаи давлатӣ оид ба кор бо ҷавонон, тарбияи ҷисмонӣ ва варзиш таъсис дода шуд.

Ақидаи КМ ИЛКҶ Тоҷикистон нисбати дар марҳилаи аввали ташаккулёбии сиёсати давлатии ҷавонон номатлуб будани таъсиси сохтори ҳамҷоя («ҳамҳудуд») ҳануз дар муроҷиатномаи он ба унвони Президенти ҷумдурӣ аз 15 феврали соли 1991 иброз гардида буд. Роҷеъ ба ин масъала дар ин санад омадааст: «Дар даврае, ки сиёсати давлатии ҷавонон нав ташаккул меёбад, ба назари мо дар як Кумита якҷоя намудани ду самти кофӣ мустақил мувофиқи мақсад нест. Ин метавонад самти фаъолияти Кумитаи пешниҳодшавандаро ҷиддӣ тағйир дода, мақоми онро дар масъалаҳои ҳифзи иҷтимоии ҷавонон, рушди ҳаракати ҷавонон дар ҷумҳурӣ ва нақши онро дар азнавсозии ҷомеа паст намояд».

Новобаста аз ин КМ ИЛКҶ, Тоҷикистон иқдоми пешгирифтаро пазироӣ намуда, таклифҳои гуногунро дар самти баланд бардоштани самарранокии фаъолияти мақомоти давлатии кор бо ҷавонон пешниҳод менамуд. Масалан, КМ ИЛКҶТ соли 1991 ба роҳбарияти Кумитаи давлатии оид ба кор бо ҷавонон, тарбияи ҷисмонӣ ва варзиш ва Кумитаи кор бо ҷавонони Шӯрои Олии РСС Тоҷикистон муроҷиат намуда, таклифи мушаххасро оид ба сохтор ва вазифаҳои Кумитаи давлатӣ дар самти татбиқи сиёсати давлатии ҷавонон пешниҳод карда буд. Дар ин пешниҳодот аз ҷумла иброз гашта буд, ки «.. вазифаи давлат ва сохторҳои вайро ҳамчун кафолати ҳифзи иҷтимоии ҷавонон эътироф карда, дар ҷараёни бевоситаи коркард ва татбиқи сиёсати давлатии ҷавонон нерӯ ва имкониятҳои худи ҷавонон бояд фаъолона истифода гарданд». Бешубҳа ин гуфтаҳо, бори дигар собит месозад, ки таҷрибаи комсомол дар соҳаи кор бо ҷавонон бою рангин буда, нерӯи бузург дошт.

Таҳлилу омӯзиши ҷараёни баъдинаи ташаккулёбии сиёсати давлатии ҷавонон дар Тоҷикистон нишон медиҳад, ки маҳз аз мадди назар дур мондани пешниҳодоту таклифҳои ташкилоти ботаҷрибаю бонуфӯзи ҷавонон, истифода нагаштани иқтидору имкониятҳои он дар марҳилаи аввали ташаккулёбии сиёсати давлатии ҷавонон боиси баъди як соли фаъолияти нопурра соли 1990 барҳам хурдани нахустин идораи давлатии кор бо ҷавонон гардид.

Баъди барҳам хурдани сохтори давлатии кор бо ҷавонон кадрҳои ботаҷрибаи он пароканда шуданд, ба дигар сохторҳои давлатӣ ба кор гузаштанд, шабакаи мавҷудаи хадамоти иҷтимоӣ барои ҷавонон барҳам хурд.

Ҳамин тавр, кушиши нахустини ташаккули сиёсти давлатии ҷавонон дар Тоҷикистон бо сабабхои субъективй тақдири бебарориро соҳиб гашт ва моҳи январи соли 1992 дар ҳайати нави Девони Вазирон бар ивази Кумитаи давлатӣ оид ба кор бо ҷавонон, тарбияи ҷисмонӣ ва варзиш Кумитаи давлатӣ оид ба варзиш ва туризм таъсис меёбад.

Новобаста ба ин, 13 марти соли 1992 Шӯрои Олии Ҷумқурии Тоҷикистон қонуни асосии ҷавонон «Дар бораи сиёсати давлатии ҷавонон»-ро кабул намуд. Сипас, байни соли 1992 бори дигар мақомоти давлатии кор бо ҷавонон дар шакли Кумитаи давлатӣ оид ба кор бо ҷавонон, варзиш ва туризм барқарор мегардад, вале бо сабаби номусоидии вазъияти сиёсии кишвар он фаъолияти муккамал намебарад.

9 июни соли 1993 баъди барқарор гаштани сохти коститутсионӣ бо қарори Шӯрои Вазирони Ҷумҳурии Тҷчикистон №256 Кумитаи корҳои ҷавонони назди Шӯрои Вазирони Ҷумҳурии Тоҷикистон таъсис меёбад. Ин оғози кушиши дуюми ташаккул додани сиёсати давлатии ҷавонон буд. Мутаасифона, ташаббуси индафъаина пешгирифта низ ҷомаи амал напӯшид. Баъди якуним соли фаъолият дар натиҷаи ислоҳоти ҳокимияти давлатӣ Кумитаи мазкур барҳам хурд.

Ҳамин тавр, саъйи дуюми комилан ташаккул додани сиёсати давлатии ҷавонон дар Тоҷикистон низ бо нобарорӣ дучор гашт. Сабаҳои объективии рух додани ин ҳолат нисбат ба сабабҳои субъективиаш зиёд буданд, ҳол он ки дар кушиши якум вазъият хусусияти бараксро дошт. Новобаста ба он, ки ҳангоми кушиши аввал низ ҷамъият дар вазъияти ногувор ва муборизаи шадиди сиёсии тарафҳои гуногун қарор дошт, дар он вақт имконияти бузурги истифода намудани иқтидори комсомол, баъдан Иттифоқи Ҷавонони Тоҷикистон, мавҷуд буд. Аммо ҳангоми кушиши дуюм чунин имконият набуд, аллакай ташкилоти ҷавонон иқтидори худро гум карда буд.

 Марҳилаи нави ташаккулёбии сиёсати давлатии ҷавонон

Равшан аст, ки пас аз барқарор намудани сохти конститутсионӣ роҳбарияти нави ҷумҳурӣ фаъолияту нерӯи худро ба самти барқарор намудани сулҳу субот, ваҳдат, ризоияти миллӣ дар мамлакат равона мекард. Баъди орому осоишта гаштани ҳаёти халқ, ба даст овардани ризоияти миллӣ, ваҳдат, Президенти мамлакат Э.Ш.Раҳмонов 23 майи соли 1997 бо намояндагони ҷавони кишвар вохӯрӣ доир менамояд ва фармони худро таҳти рақами №727 “Дар бораи баъзе тадбирҳои беҳтар намудани кор бо ҷавонон” ба имзо мерасонад. Сипас, мутобиқи он фармон қарори Ҳукумати Ҷумҳурии Тоҷикистон аз 27 майи соли 1997, №240 дар бораи таъсиси Кумитаи кор бо ҷавонони назди Ҳукумати Ҷумҳурии Тоҷикистон ба имзо мерасад. Бо ин кушиши сеюми ташаккули сиёсати давлатии ҷавонон оғоз гашт.

Ҳамин тариқ, кушиши навбатии ташаккули қисмати ташкилии сиёсати давлатии ҷавонон бомуваффақият анҷом ёфта, қисмати ташаккули идеологии он оғоз ёфт. Таҷрибаи 7 сола доштани Кумитаи кор бо ҷавонони нишон медод, ки иқтидори он пурқувват гашта, барои минбаъд нигоҳ доштани мақоми абадии худ тайёр аст.

Дар натиҷаи номукамалии сиёсати давлатии ҷавонон солҳои 1990-1997 ба Кумитаи кор бо ҷавонони навтаъсис ба ғайр аз қонуни асосии ҷавонон қариб, ки чизе мерос намонда буд. Набудани асосҳои меъёрию ҳуқуқӣ ба татбиқи бошитоби қонуни асосии ҷавонон мусоидаткунада, самтҳои тамоюлнокӣ аз мавқеъи илмию назариявӣ асоснок гашта, заминаҳои методӣ, иттилоотию таҳлилӣ, моддию техникӣ ва кадрии сиёсати давлатии ҷавонон нишондиҳандаҳои асосии фазоеро, ки Кумитаи кор бо ҷавонон дар он фаъолияти худро оғоз намуд, ташкил менамуданд.

Бо вуҷуди ин ба роҳбарияти Кумита муяссар гашт, ки охирҳои соли 1997 ба муваффақиятҳои ҷиддӣ соҳиб гардад. Дар ин муддати кутоҳ ду қарори муҳиму умдаи Ҳукумати ҷумҳурӣ таҳия ва қабул гаштанд, ки тибқи онҳо асосхои ташкилӣ ва маблағгузории фаъолияти Кумитаи кор бо ҷавонон, ягонагӣ дар муайян намудани моҳияти сиёсати давлат нисбат ба насли ҷавон, системаи амудии рохбарӣ, пешбурди сиёсати кадрӣ ва маблағгузории мақомоти кор бо ҷавонон, инчунин мақоми Кумита, чун мақомоти идораи давлатӣ ва ҳамоҳангсози байнисоҳавӣ оид ба татбиқи сиёсати давлатии ҷавонон, муқаррар гаштаанд. Ғайр аз ин, то охири соли 1997 чор идораҳои вилоятӣ ва шаҳри Душанбе, кариб 60 шӯъбаҳои шаҳрию ноҳиявии кор бо ҷавонон таъсис дода шуда буданд. Ба даст овардани чунин нишондодҳо дар ду марҳилаҳои пешинаи ташаккулёбии Кумита муяссар нагашта буданд.

Ин аз он шаҳодат медиҳад, ки охири соли 1997 даври ташкилёбии сиёсати давлатии ҷавонон дар Тоҷикистон бомуваффақият анҷом ёфт. Ин марҳила хело вазнину мушкил ва тулонӣ (7 сол) гузашт, хусусияти рушди он инъикоси вазъияти дар ҷомеа ҷойдошта буд.

Марҳилаи дуюми ташаккулёбии сиёсати давлатии ҷавонон дар Тоҷикистон аввалҳои соли 1998 оғоз ёфт. Кумита дар тули чор соли фаъолият фазои сиёсати давлатиро нисбати ҷавонон ба куллй тағйир дод. Дар ин давра дар раванди таҳкими асосҳои меъёрию ҳуқуқии сиёсати давлатии ҷавонон, таҳияи механизмҳои татбиқи қонуни асосии ҷавонони ҷумҳурӣ, дастгирии ҷавонони боистеъдод ва ташаккули хадамоти иҷтимоӣ барои ҷавонон ва ё дар умум натиҷаҳои муҳиму самарабахш дар ҷараёни инкишофи сиёсати ҷавонон ба даст омаданд.

Бо дарназардошти тақозои ҷомеаи муосир ва ислоҳоти идораи давлатӣ Кумитаи мазкур тибқи қарори Ҳукумати Ҷумҳурии Тоҷикистон аз 28 декабри соли 2006, №609 ба Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон табдил дода шуд ва баъди 11 соли фаъолияти пурсамар тибқи қарори Ҳукумати Ҷумҳурии Тоҷикистон аз 27 майи соли 2017, №257 дар “Соли ҷавонон” ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон тағйири ном намуда, фаъолиятро дар самти татбиқи сиёсати давлатии ҷавонон ва варзиш ба роҳ мондааст.

Ҷавонон

11.07.2020 Касе, ки ба иштибоҳ роҳ додааст, бахшидан мумкин аст…

Ба ҳамагон маълум аст, ки Ҷумҳурии Тоҷикистон пас аз барҳам хӯрдани Иттиҳоди Шуравӣ як давраи гузариши шадидеро аз сар гузаронд, ки дар саҳифаҳои зарҳалини таърихӣ абадӣ ва ҷовидон хоҳад монд.  Ин давраро метавон давраи торикӣ ва зулмот номид ва он аз тарафи баъзе нафароне ба вуқӯъ пайваст, ки ба душманони худ ноандешидаву нодида боварӣ карданду зери нияти разилонаву золимонаи онҳо амалҳои нопокро анҷом доданд.  Ин гуна афрод аз фурсатҳои муносиб истифода бурда, теъдоди зиёди ҷавонмардонро аз роҳ бадар намуданд, нисфи зиёди мардумро куштанд, бештари кӯдаконро аз волидайн ҷудову саргардон ва бепарастор намуданд, дили модарони озурдаву ҷигарсӯз ва чашмони пирону солхӯрдаро ба ашки хун олуда карданд. Қариб тамоми мардум, – тоҷикону […]

10.07.2020 Ҷаласаи ҳайати мушовараи Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар нимсолаи аввали соли 2020 доир гардид

Имрӯз фаъолияти Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар нимсолаи аввали соли 2020 ва нақшаҳо барои нимсолаи дуюми соли ҷорӣ бо иштироки намояндаи Дастгоҳи иҷроияи Президенти Ҷумҳурии Тоҷикистон Адҳам Маъмурзода ва раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон муҳтарам Раҳмонзода Абдулло Қурбоналӣ  баргузор гардид. Дар ҷаласаи мазкур роҳбарон, кормандони сохторҳои дастгоҳи марказӣ, ташкилотҳои системаи Кумита, масъулини раёсатҳои кор бо ҷавонон ва варзиши ВМКБ, вилоятҳои Хатлону Суғд, шаҳри Душанбе, мудирони Бахшҳои кор бо ҷавонон ва варзиши шаҳру ноҳияҳои тобеи ҷумҳурӣ, директорони муассисаҳои варзишӣ ва директорони марказҳои ҷавонон иштирок доштанд. Дар охири кори ҷаласа баҳри боз ҳам вусъат бахшидани корҳо дар самти татбиқи амалии […]

10.07.2020 Оқибати ҳар гуна “ман – манӣ” ва гумроҳсозиҳо “вой” аст!

Дар рӯзҳое, ки бемории COVID-19 тамоми минтақаҳои дунёро фаро гирифта, пурқудраттарин кишварҳо назди ин маризӣ оҷизу нотавон мондаанд, душманони миллат ба ҷойи он ки ҷиҳати  пешгирии пандемиаи мазкур  кӯмак ва дастгирии худро расонанд, дар шабакаҳои иҷтимоӣ  барои ноором кардани авзои ҷомеа кӯшиш менамоянд. Ҳол он ки ин фоҷеа сангинтарин дилҳоро барои расонидани кӯмак ба гирифторони беморӣ нарм намуда, ба дарду ғами ҷомеа шарикии хешро изҳор медоранд. Зеро ашхоси бохирад ҳамеша кӯшиш бар он доранд, ки тавонмандии худро барои адои амалҳои нек, созандагию бунёдкорӣ ва ободониву некӯаҳволии халқ истифода намоянд. Филми мустанади телевизионии “Хиёнат” бори дигар пардаро аз рӯи хиёнаткориҳои фоҷиабору пурмакри аъзоёни собиқ Ҳизби наҳзати исломи Тоҷикистон бо сарварии Муҳиддин […]

10.07.2020 ИРОДА

тамоми бурду бохтӣ мо аз он сарчашма мегирад Ҳатто дар овони наврасӣ мо дарк карда метавонем, ки ҳаёт як роҳи рости бе каму кост нест. Он пур аз шебу фароз, каҷиву ростӣ ва ҳамвориву ноҳамворист. Ҳеҷ имкон надорад, ки як нафар бе фикри зиёдатӣ, бе ғаму ғусса, бе дарду алам, бе мушкилию дармондагӣ, бе мусибат ва амсоли ин зиндагӣ кунад. Агарчанде чанд фисади дигаргун сохтани ҳаёт аз мо бастагӣ дошта бошад ҳам, вале дар худ қонунҳое дорад, ки бидуни хоҳишу дархост ва амали мо ба вуқуъ мепайванданд. Мисли бемории фарзандон, реҳлати наздикон ва ба ҳамин монанд. Дар пайванди ин воқеот, ҳаёт пур аз камиҳо ва холигиҳоеро рӯ ба рӯи мо […]

10.07.2020 Ба оянда бо умед нигоҳ мекунем

Қаҳрамони мо аслан асабшинос аст, аммо имрӯз дар қатори садҳо табибони кишвар ба муқобили COVID-19 мубориза бурда, ба табобати мардум машғул мебошад. То дирӯз мардум дар симои ӯ шояд як табиби одиро медиданд, вале имрӯз ӯро ҳамагон наҷотбахши ҳаёти худ медонанд ва дар ҳар як тавсияи додаи ӯ шифои худро меҷӯянд. Ин бонуи ҷавон Усайнова Мадина, табиб, асабшиноси маркази саломатии ноҳияи Шуғнон аст. Фаъолияти худро ҳамчун духтур баъд аз хатми донишгоҳ дар марказии саломатии ноҳия оғоз намудааст. Вобаста ба вазъияти баамаломада ва амалкарди табибони бадахшонӣ бо ӯ суҳбате кардаем, ки пешкаши хонанда мегардад. – Дар вазъияти имрӯза аксарияти табибон барои саломатӣ ва шояд барои бехатарии худ ва наздикон корпартоӣ намуданд. […]

Варзиш

11.07.2020 Санаи бозиҳои дастаҳои футболи «Истиқлол» бо «Алтин Асир» ва «Дордой» бо «Хуҷанд» муайян шуд.

Конфедератсияи футболи Осиё тақвими бозиҳои марҳилаи гурӯҳии Ҷоми Конфедератсияи футболи Осиё-2020-ро дар минтақаи Осиёи Марказӣ нашр намуд. Дар ин бора мухбири АМИТ «Ховар» Меҳрони  Қурбон бо истинод ба Федератсияи футболи Тоҷикистон иттилоъ медиҳад. Тибқи иттилои манбаъ, бозиҳои гурӯҳи «D» бо иштироки дастаҳои футболи  «Истиқлол»-и Тоҷикистон, «Алтин Асир»-и Туркманистон, «Дордой»-и  Қирғизистон ва «Хуҷанд»-и  Тоҷикистон аз 23  октябр то 4  ноябри соли равон, доир мешаванд. Гуфта мешавад, ки бозиҳои гурӯҳи «D» дар як кишвар баргузор мешаванд. Кишвари мизбон рӯзҳои наздик расман эълон карда мешавад. Федератсияи футболи Тоҷикистон аллакай ба КФО дархост намудааст, ки бозиҳои марҳилаи гурӯҳӣ дар гурӯҳи «D» дар шаҳри Душанбе доир шаванд. Ғолиби гурӯҳи мазкур дар даври нимниҳоии байниминтақавӣ, ки […]

10.07.2020 Варзишгарон пандемияро чӣ гуна паси сар мекунанд?.

Бинобар паҳн гаштани пандемияи коронавирус дар ҳама давлатҳои ҷаҳон вазъи фавқуллода эълон гардид ва мамлакатҳои ҷаҳон сарҳадҳои хешро бастанд. Мавриди зикр аст, ки вобаста ба ҳолати мазкур Бозиҳои олимпӣ ва ҳама навъи мусобиқаҳои варзиширо манъ намуданд. Чунки гузаронидани бозиҳои варзишӣ имкони бештари сироят ва паҳни бемории коронавирус мегардид. Бояд гуфт, ки варзишгарони мо низ бинобар ҳолати мазкур иштирокашон дар бозиҳои варзишӣ ба таъхир афтод. Дар шумораи навбатӣ хостем аз варзишгарони кишвар пурсем, ки давраи пандемияи коронавирусро чӣ гуна паси сар менамоянд ва дар ин давра машғули чӣ корҳоянд. Беҳрӯз Хоҷазода, самбочӣ, дорандаи унвони чемпиони ҷаҳон оид ба самбо: – Шукри Худованд ману наздиконам мубталои каронавирус нашудаем. Вале ҳанӯз аз моҳи ноябри соли […]

10.07.2020 ФУТБОЛ. Пагоҳ бозиҳои даври ҷамъбастии марҳилаи аввали Чемпионати Тоҷикистон баргузор мегардад.

ДУШАНБЕ, 10.07.2020. /АМИТ «Ховар»/. Пагоҳ дар варзишгоҳҳои мамлакат бозиҳои даври ҷамъбастии марҳилаи аввали лигаи олии Тоҷикистон оғоз мешаванд. 11 июл дастаҳои футболи  «Куктош» бо «Файзканд», «Регар-ТадАЗ» бо «Хатлон», «Истаравшан» бо КМВА  ва 12 июл «Хуҷанд» бо «Душанбе-83», «Истиқлол» бо «Локомотив-Помир»-и Душанбе  байни  ҳам рақобат мекунанд. Ин мавзӯъро шореҳи варзишии АМИТ «Ховар» Меҳрони Қурбон шарҳ медиҳад.  Ёдовар мешавем, ки бозиҳои даври ҳаштуми Чемпионати Тоҷикистон оид ба футбол миёни дастаҳои лигаи олӣ  4-5 июли соли равон  баргузор гардида буданд. 4 июл дастаи футболи «Истиқлол»-и Душанбе  дар шаҳри Кӯлоб бар дастаи «Файзканд»-и ноҳияи Восеъ бо ҳисоби калони  4:0  пирӯз шуд. Голҳои дастаи «Истиқлол»-ро дар ин вохӯрии  ҷолиб Алишер Ҷалилов, Манучеҳр Ҷалилов ва Шериддин Бобоев ба […]

10.07.2020 Мусобиқаи футболи деҳа ба деҳа.

Шурӯъ аз 1 июли соли ҷорӣ  тибқи Нақша – чорабиниҳои  Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар тамоми манотиқи кишварамон  мусобиқаи варзишии деҳа ба деҳа аз намуди футбол байни наврасону ҷавонон баргузор  гардида истодааст.  Ҳадаф аз баргузории чунин мусобиқаҳо ҷалби ҳарчӣ бештари ҷавонон ба варзиш , мустаҳкам наудани дустӣ, пешгири намудани онҳо аз гаравидан ба ҳар гуна ҳизбу ҳаракатҳои ифротгароӣ мебошад. Чунин мусобикаи навбати Бо ташаббуси Бахши кор бо ҷавонон ва варзиши ноҳияи Ёвон дар байни деҳаҳои ноҳияи мазкур ташкил ва баргузор гардид.

09.07.2020 ФУТБОЛ. Натиҷаи бозиҳои марҳилаи муқаддамотии Ҷоми Тоҷикистон-2020 муайян гардид.

ДУШАНБЕ, 09.07.2020 /АМИТ «Ховар»/. 7-8 июли соли равон бозиҳои марҳилаи муқаддамотии Ҷоми Тоҷикистон-2020 оид ба футбол дар варзишгоҳҳои мамлакат баргузор шуданд. Дар натиҷа дастаҳое, ки ба марҳилаи навбатӣ роҳхат гирифтанд, муайян гардиданд. Ба даври 1/8-финали Ҷоми Тоҷикистон дастаҳои футболи «Равшан»-и Кӯлоб, «Барқчӣ»-и Ҳисор, «Равшан»-и Зафаробод, «Моҳир»-и Ёвон ва «Эсхата»-и Хуҷанд роҳ ёфтанд. Дар ин бора мухбири АМИТ «Ховар» Меҳрони  Қурбон бо истинод ба Федератсияи футболи Тоҷикистон иттилоъ медиҳад. Бозии марҳилаи муқаддамотии Ҷоми Тоҷикистон миёни дастаҳои футболи «Саройкамар»-и Панҷ  ва Панҷшер»-и Ҷалолиддин Балхӣ бо ҳисоби 2:1 ба фоидаи бозингарони ноҳияи Панҷ анҷом ёфт. Вале дастаи  «Саройкамар»  дар иваз кардани бозингарон қоидаро риоя накарда, чор имконияти иваз кардани футболбозонро дар вақти бозӣ истифода бурд (тибқи қоида […]

Данная рубрика не содержит информаций