734002, Тоҷикистон Душанбе, к. Спортивная 6; (+992 37) 2351023; 2367815;

Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Меню

Роҳбарият

Абдуллозода Аҳтам Рустам 

Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Абдуллозода Аҳтам

31 октябри соли 1980 дар деҳаи Андароби шаҳри Кӯлоби вилояти Хатлон таваллуд шудааст. Миллаташ тоҷик, маълумоташ олӣ. Соли 2002 Донишгоҳи миллии Тоҷикистонро бо дипломи аъло хатм намуда, соҳиби ихтисоси ҳуқуқшиноси байналхалқӣ гаштааст.

Солҳои 2002-2007 дар вазифаҳои мушовири ҳуқуқии Маркази истеҳсолию тиҷоратии «Иқлим» ва машваратчии ҳуқуқии ҶДММ «Юнитекс» фаъолият намудаст. Соли 2007 дар Дастгоҳи иҷроияи Президенти Ҷумҳурии Тоҷикистон дар вазифаҳои мутахассиси пешбар, сармутахассис, мудири бахш, муовини мудири Шуъбаи мудофиа ва тартиботи ҳуқуқӣ ва аз моҳи январи соли 2014 сардори Раёсати мудофиа ва тартиботи ҳуқуқии Дастгоҳи иҷроияи Президенти Ҷумҳурии Тоҷикистон кор кардааст.

Бо қарори Ҳукумати Ҷумҳурии Тоҷикистон аз 12 июни соли 2014 ба вазифаи раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва аз 21 июни соли 2017 бо  қарори Ҳукумати Ҷумҳурии Тоҷикистон раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон таъин гардидааст.

Рутбаи ҳарбии подполковник дошта, бо медалҳои ҷашнии «80-солагии Ташкилоти ҷамъиятии мададгори мудофиа», «85-солагии Прокуратураи Ҷумҳурии Тоҷикистон», «85-солагии милитсияи Тоҷикистон», «15-солагии Гвардияи миллии Тоҷикистон» ва “20 солагии Гвардияи миллии Ҷумҳурии Тоҷикистон”, 25 солагии Қувваҳои Мусаллаҳи Ҷумҳурии Тоҷикистон, 90 солагии адлияи Ҷумҳурии Тоҷикистон, 25-солагии Ташкилоти ҷамъиятии мададгори мудофиаи Ҷумҳурии Тоҷикистон мукофотонида шудааст.

Соли 2016, бо фармони Президенти Ҷумҳурии Тоҷикистон бахшида ба 25 – солагии Истиқлолияти давлатии Ҷумҳурии Тоҷикистон  бо медали «Хизмати шоиста» сарфароз гардонида шуд.

Ӯ ҳамчунин Раиси Иттифоқи ҷавонони Тоҷикистон, муовини Президенти Кумитаи миллии олимпии Ҷумҳурии Тоҷикистон ва узви  Кумитаи иҷроияи Федератсияи футболи Тоҷикистон мебошад.

Оиладор, соҳиби 3 фарзанд

__________________________________________________________________________________

Назарзода Ризо Шодӣ

Муовини якуми раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Назарзода Ризо

28 июли соли 1988 дар шаҳри Хоруғи Вилояти Мухтори Кӯҳистони Бадахшон ба дунё омадааст. Миллаташ тоҷик, маълумоташ олӣ. Соли 2011 Донишгоҳи давлатии шаҳри Хоруғро бо дипломи аъло хатм намуда, соҳиби ихтисоси муаррих, омӯзгори фанни таърих ва ҳуқуқ гардид.

Айни замон дар бахши чоруми факултаи иқтисоди Донишгоҳи давлатии Хоруғ бо ихтисоси баҳисобгирии бухгалтерӣ ва аудит (ғоибона) таҳсил намуда истодааст.

Солҳои 2007 – 2013 дар вазифаҳои мудири Шуъбаи кор бо ҷавонони Донишгоҳи давлатии шаҳри Хоруғ, вакил ва муовини аввали раиси Парлумони ҷавонони Тоҷикистон, муовини роҳбари Ташкилоти ҷамъиятии ҷавонон “Созандагони Ватан” дар Ҷумҳурии Тоҷикистон, директори Муассисаи давлатии “Маркази ҷавонон”-и Вилояти Мухтори Кӯҳистони Бадахшон фаъолият намудааст.

Солҳои 2013 – 2014 ба ҳайси сардори Раёсати ҷавонон, варзиш ва сайёҳии Вилояти Мухтори Кӯҳистони Бадахшон кор кардааст.

Ҳамзамон, солҳои 2010 – 2014 вакили Маҷлиси вакилони халқи шаҳри Хоруғи Вилояти Мухтори Кӯҳистони Бадахшон мебошад.

Аз 21 феврали соли 2014 то 23 январи соли 2017 дар вазифаи муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон фаъолият намудааст.

Бо Қарори Ҳукумати Ҷумҳурии Тоҷикистон аз 23 январи соли 2017, №14 ба вазифаи муовини якуми Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон  таъин гардидааст.

Бахшида ба 25 – солагии Истиқлолияти давлатии Ҷумҳурии Тоҷикистон бо фармони Президенти Ҷумҳурии Тоҷикистон аз 11 июли соли 2016, № 723 бо «Ифтихорномаи Ҷумҳурии Тоҷикистон», аз 30 декабри соли 2016 бо мукофоти “Аълочии фарҳанги Ҷумҳурии Тоҷикистон” ва аз 31 декабри соли 2017, №2.5 бо Ифтихорномаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон сарфароз гардонида шудааст.

Забонҳои русӣ ва англисиро медонад.

Оиладор, соҳиби 2 фарзанд.

__________________________________________________________________________________

Назаров Дилшод Ҷамолиддинович

Муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон (сарпарасти соҳаи варзиш)

Назаров Дилшод

6 майи соли 1982 дар шаҳри Душанбе таваллуд шудааст. Хатмкардаи Донишкадаи тарбияи ҷисмонии Тоҷикистон ва Донишгоҳи давлатии тиҷорати Тоҷикистон мебошад.

Ғолиби Бозиҳои V Осиёи Марказӣ (Душанбе, 2003), ҷойи дуюм дар Бозиҳои Африқоиву Осиё (Ҳиндустон, 2003), ғолиби Бозиҳои I кишварҳои исломӣ (Арабистони Саудӣ, 2005), ҷойи дуюм дар чемпионатҳои Осиё (Кореяи Ҷанубӣ, 2005, Урдун, 2007), қаҳрамони Осиё (Чин, 2009, Ҳиндустон, 2013), ғолиби секаратаи Бозиҳои Осиё дар Қатар (2006), Чин (2010) ва Корея (2014), ширкаткунандаи Бозиҳои олимпӣ дар Афина (2004), Пекин (2008), Лондон (2012), Рио – де- Женейро (2016) ғолиб ва ҷоизадори бисёркаратаи мусобиқоти байналмилалӣ (2009-2013), рекорди инфиродӣ: 80 метру 31 сантиметр (2013).

Чемпиони Бозиҳои олимпӣ Рио – де – Женейро 2016.

Дорандаи медали Шараф дараҷаҳои 1 ва 2.

Раиси Федератсияи варзиши сабуки Тоҷикистон.

Бо Қарори Ҳукумати Ҷумҳурии Тоҷикистон аз 6 январи соли 2014 ба ҳайси муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон таъин карда шудааст.

Оиладор, соҳиби cе фарзанд.

__________________________________________________________________________________

Аҳмадзода Дилноза Давроналӣ

Муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Ахмадзода

23 октябри соли 1989 дар шаҳри Хуҷанди вилояти Суғд, дар оилаи зиёӣ таваллуд шудааст. Миллаташ тоҷик, маълумоташ олӣ. Соли 2011 Донишгоҳи давлатии ҳуқуқ, бизнес ва сиёсати Тоҷикистонро бодипломи аъло хатм намуда, соҳиби ихтисоси ҳуқуқшиносӣ гардидааст.

Аз моҳи январ то августи соли 2012 ҳамчун хабарнигори рӯзномаи “Тирози ҷаҳон” фаъолият намудааст. Сипас солҳои 2012 то 2015  ба ҳайси омӯзгори кафедраи Назария, таърихи давлат ва ҳукуқ ва кафедраи Ҳуқуқи конститутсионии факултаи ҳуқуқшиносии Донишгоҳи давлатии ҳуқуқ, бизнес ва сиёсати Тоҷикистон кор кардааст.

Аз моҳи август то сентябри соли 2015 дар вазифаи сардори Раёсати рушди туризми Кумитаи ҷавонон, варзиш ва сайёҳӣ фаъолият намуда, баъдан аз моҳи сентябри соли 2015 то 23 январи соли 2017 дар вазифаи сардори Раёсати кор бо ҷавонони Кумитаи ҷавонон, варзиш ва сайёҳӣ фаъолияти худро идома додааст.

Бо қарори Ҳукумати Ҷумҳурии Тоҷикистон аз 23 январи соли 2017, №15 ба вазифаи муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон таъин гардидааст.

Ҳамчунин Аҳмадзода Дилноза Давроналӣ дар корҳои ҷамъиятӣ фаъолона ширкат варзида, аз соли 2011 то 2013 раиси Шӯрои духтарони Кумитаи иҷроияи Ҳизби Халқии Демократии Тоҷикистон дар вилояти Суғд ва аз соли 2014 то 2015 ба ҳайси раиси Шӯрои духтарони вилояти Суғд фаъолият бурдааст.

Аз моҳи сентябри соли 2017 ба ҳайси унвонҷӯ дар Институти фалсафа, сиёсатшиносӣ ва ҳуқуқи ба номи А. Баҳоваддинови Академияи илмҳои Ҷумҳурии Тоҷикистон қабул шудааст.

Хатмкардаи курси такмили ихтисоси Донишкадаи идоракунии давлатии назди Президенти Ҷумҳурии Тоҷикистон мебошад.

Ҳамзамон дар давоми фаъолият бо медалҳои ҷашнии “10 солагии Қувваҳои Мусаллаҳи Ҷумҳурии Тоҷикистон”, “90 солагии ДОСААФ” ва аз 31 декабри соли 2017 бо Ифтихорномаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон сарфароз гардонида шудааст.

Забонҳои русӣ ва англисиро медонад.

Оиладор, соҳиби ду фарзанд.

Ҷавонон

23.01.2020 Тасдиқи рамзи «Солҳои рушди деҳот, сайёҳӣ ва ҳунарҳои мардумӣ» эълон гардидани солҳои 2019-2021

Президенти Ҷумҳурии Тоҷикистон, Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон рамзи «Солҳои рушди деҳот, сайёҳӣ ва ҳунарҳои мардумӣ» эълон гардидани солҳои 2019-2021-ро бо мақсади муаррифии ҳамаҷонибаи иқдоми мазкур тасдиқ намуданд. Рамзи мазкур аз ҷониби Иттифоқи рассомон ва устодони Донишкадаи давлатии санъати тасвирӣ ва дизайни Тоҷикистон таҳия ва пешниҳод гардидааст. Гирдогирди рамзро се хати доирашакли сурх, сафед ва сабз фаро гирифтааст, ки таҷассумгари Парчами давлатӣ маҳсуб меёбанд. Инчунин, ду хати иловагии доирашакли кабудранг ва ҳафт ситора низ рамзҳои миллиро ифода мекунанд. Дар гирди рамз бо забонҳои тоҷикиву англисӣ «Солҳои рушди деҳот, сайёҳӣ ва ҳунарҳои мардумӣ 2019-2021» навишта шудааст. Дар маркази доира ҷузъиёти асосии рамз – кӯҳҳои сарбафалаккашидаи Тоҷикистон, […]

23.01.2020 Тасдиқи рамзи «30-солагии Истиқлолияти давлатии Ҷумҳурии Тоҷикистон»

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз байни рамзҳои пешниҳоднамудаи рассомон, дизайнерон ва устодони Донишкадаи давлатии санъати тасвирӣ ва дизайни Тоҷикистон рамзи «30-солагии Истиқлолияти давлатии Ҷумҳурии Тоҷикистон»-ро тасдиқ намуданд. Рамзи мазкур дар шакли мудаввар таркиббандӣ шуда, давродаври он ба забонҳои тоҷикӣ ва англисӣ “Истиқлолияти давлатии Ҷумҳурии Тоҷикистон” ва рақамҳои “1991-2021” бо рангҳои зарҳалӣ навишта шудааст. Дар қисми марказӣ рақами 30 бо ҳошияи зарҳалӣ бо истифода аз рангҳои парчами миллӣ ва дар қисми болои рақам яке аз рамзҳои давлатдории тоҷикон – тоҷ дар заминаи кӯҳҳои пурбарф ҷой дода шудааст. Қисми поёни рақам ҳадафҳои стратегии Ҳукумати Ҷумҳурии Тоҷикистонро дар бар гирифта, бо тасвири роҳи сеқабата, агрегати […]

23.01.2020 Дар қатори ҳама Президенти мамлакат муҳтарам Эмомалӣ Раҳмон низ пушти миз нишаста, бо зиндониён ғизо хӯрданд ва бо чанде аз маҳбусон муколама оростанд. Аз аҳволу саломатӣ, вохӯрӣ бо оилаҳо, хешу табор ва сифати хӯрок пурсон шуданд.

25 октябри соли 2019 Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Қонуни Ҷумҳурии Тоҷикистон «Дар бораи авф» имзо гузошта, зиёда аз 20 ҳазор нафарро авф карданд. Ин авфи якуму даҳуми Эмомалӣ Раҳмон нест. Зеро сарвари давлати мо пайваста аз ҳолу аҳволи зиндониён бохабаранд ва зимнан пайваста ба ишон гузаштҳо мекунанд. Воқеан кам иттифоқ меафтад, ки президентҳо ба зиндон рафта, аз ҳоли раъият хабар гиранд. Президенти мо меравад! Ва матлаби фавқ дар ҳамин бора қисса мекунад. Мо Метавонем! Тирамоҳи соли 2000-ум. Дар ҳуҷраи корӣ суҳбат доштам, ки занги телефони ҳукуматӣ баланд гашт. Гӯширо бардоштам, аз он сӯ садои ошнои сардори Хадамоти муҳофизаи Президент Мурод […]

22.01.2020 Дар Вена конфронси байналмилалӣ баргузор гардид

Дар шаҳри Венаи Ҷумҳурии Австрия имрӯз конфронси байналмилалӣ дар мавзӯи “Пешгирии ҷиноятҳо ва зуроварӣ миёни ҷавонон тавассути варзиш” бо иштироки намояндагони беш аз 187 кишвари олам ба кори хеш оғоз бахшид. Дар конфронси мазкур Ҷумҳурии Тоҷикистонро муовини якуми раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Назарзода Ризо Шодӣ, намояндаи Прократураи генералии Ҷумҳурии Тоҷикистон Хоҷазода Фурқат Файзалӣ  намояндагӣ доранд. Мавриди зикр аст, ки конфронси мазкур аз ҷониби Созмони Миллати Муттаҳид роҳандозӣ карда шуда, ҳадафи асосии он табодули таҷрибаи гуногуни  давлатҳои ҷаҳон дар мубориза бар зидди ҷинояту ҷинояткорӣ миёни ҷавонону наврасон мебошад. Конфронси мазкур 22 – 23 январ роҳандозӣ гардида, намояндагони давлатҳои гуногуни ҷаҳон вобаста ба масъалаи мазкур […]

22.01.2020 Озмуни ҷумҳуриявӣ: Беҳтаринҳоро интизорем

Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо мақсади дарёфти беҳтарин маводҳои лирикии ватандӯстона ва маводҳои насрӣ бахшида ба Рӯзи Қувваҳои Мусаллаҳи Ҷумҳурии Тоҷикистон озмуни ҷумҳуриявии “Беҳтарин ашъор ва маводи насрӣ”- ро миёни ҷавонони касбу кори гуногун, адибону нависандагон ва навқаламони ҷавон эълон менамояд. Мақсад аз баргузории озмуни мазкур дарёфти чеҳраҳои нав дар ҷодаи эҷодиёти ватандӯстона ва дастгирии ҷавонони эҷодкору навқалам мебошад. Матнҳои пешниҳодгардида, бояд хусусияти ватандӯстона, гиромидошти арзишҳои миллию давлатӣ ва посдории фарҳангу таърихи ғании миллати  тоҷик бошанд ва фарогири масъалаҳои ватандӯстонаи ҷавонону наврасонро инъикос намоянд.  Қабули дархости довталабони озмун ба унвонии Кумитаи кор бо ҷавонон ва варзиши назди Ҳукумати Ҷумҳурии Тоҷикистон то санаи 10 феврали […]

Варзиш

23.01.2020 Тасдиқи рамзи «Солҳои рушди деҳот, сайёҳӣ ва ҳунарҳои мардумӣ» эълон гардидани солҳои 2019-2021.

Президенти Ҷумҳурии Тоҷикистон, Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон рамзи «Солҳои рушди деҳот, сайёҳӣ ва ҳунарҳои мардумӣ» эълон гардидани солҳои 2019-2021-ро бо мақсади муаррифии ҳамаҷонибаи иқдоми мазкур тасдиқ намуданд. Рамзи мазкур аз ҷониби Иттифоқи рассомон ва устодони Донишкадаи давлатии санъати тасвирӣ ва дизайни Тоҷикистон таҳия ва пешниҳод гардидааст. Гирдогирди рамзро се хати доирашакли сурх, сафед ва сабз фаро гирифтааст, ки таҷассумгари Парчами давлатӣ маҳсуб меёбанд. Инчунин, ду хати иловагии доирашакли кабудранг ва ҳафт ситора низ рамзҳои миллиро ифода мекунанд. Дар гирди рамз бо забонҳои тоҷикиву англисӣ «Солҳои рушди деҳот, сайёҳӣ ва ҳунарҳои мардумӣ 2019-2021» навишта шудааст. Дар маркази доира ҷузъиёти асосии рамз – кӯҳҳои сарбафалаккашидаи Тоҷикистон, […]

23.01.2020 Дзюдочиёни тоҷик дар Гран Прии Тел Авив ширкат мекунанд.

Имрӯз – 23 январ – мусобиқаи байналмилалии дзюдо – Гран Прии Тел Авив оғоз мегардад, ки дар он варзишгарони тоҷик ширкат мекунанд. Тибқи иттилои сомонаи расмии Федератсияи байналмилалии дзюдо, дар мусобиқа, ки аз рӯи 14 категорияи вазнӣ (7 вазн миёни мардон, 7 вазн миёни бонувон) сурат мегирад, 548 варзишгар (315 мард, 233 зан) аз 83 давлат иштирок менамоянд. Дастаи мунтахаби дзюдои Тоҷикистон дар ҳайати 8 нафар ба Исроил сафарбар гардиданд, ки дар 6 вазн миёни мардон гуштин мегиранд: 1. Давлаталӣ Назаралиев (-60кг) 2. Беҳрӯз Хоҷазода (-73кг) 3. Сомон Маҳмадбеков (-73кг) 4. Акмал Муродов (-81кг) 5. Комроншоҳ Устопириён (-90кг) 6. Саидҷалол Саидов (-100кг) 7. Темур Раҳимов (+100кг) 8. Шакармамад Мирмамадов (+100кг). […]

21.01.2020 Мусобиқаи волейбол дар Донишгоҳи далватии ҳуқуқ, бизнес ва сиёсати Тоҷикистон варзишгаронро ба ҳам овард.

Рўзи 20 январ бо дастгирии Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Вазорати маориф ва илми Ҷумҳурии Тоҷикистон, Иттифоқи касабаи кормандони маориф ва илми мамлакат, мақомоти иҷроияи ҳокимияти давлатии вилояти Суғд дар  Донишгоҳи далватии ҳуқуқ, бизнес ва сиёсати Тоҷикистон мусобиқаи кушоди варзишӣ оид ба намуди волейбол бахшида ба солҳои 2019-2021 “Солҳои рушди деҳот, сайёҳӣ ва ҳунарҳои мардумӣ дар донишгоҳ баргузор гардида истодааст. Мусобиқаи мазкур аз санаи 20 то  22-юми январ идома меёбад. Дар мусобиқа 18 дастаҳо аз шаҳру ноҳияҳо, корхонаю ташкилот, муассисаҳои таҳсилоти олӣ ва касбии ҷумҳурӣ байни ҳам кувваозмоӣ мекунанд. Мусобиқа тибқи қоидаи бозиҳои олимпӣ баргузор гардида, дар навбати аввал дастаи Донишгоҳи далватии ҳуқуқ, бизнес ва сиёсати Тоҷикистон […]

20.01.2020 Кумитаи кор бо ҷавонон ва варзиш озмуни мансабҳои холии маъмурии хизмати давлатиро эълон менамояд.

                        Дастгоҳи марказии Кумита 1.Сармутахассиси Шуъбаи муносибатҳои байналмилалии Дастгоҳи марказии Кумита – 1 ҷой маоши мансабӣ 868 сомонӣ 2.Мутахассиси пешбари Шуъбаи банақшагирӣ ва муҳосиботи Дастгоҳи марказии Кумита – 1 ҷой маоши мансабӣ 768 сомонӣ Вилояти  Хатлон          1.Сармутахассиси Бахши кор бо ҷавонон ва варзиши ноҳияи Муъминобод–1 ҷой, маоши мансабӣ 936 сомонӣ Сармутахассиси Бахши кор бо ҷавонон ва варзиши ноҳияи Шаҳритуз – 1 ҷой, маоши мансабӣ 936 сомонӣ Мутахассиси пешбари Бахши кор бо ҷавонон ва варзиши шаҳри Норак -1 ҷой, маоши мансабӣ 868 сомонӣ. Мутахассиси пешбари Бахши кор бо ҷавонон ва варзиши ноҳияи Хуросон -1 ҷой, маоши мансабӣ 868 сомонӣ. Мутахассиси Бахши кор бо ҷавонон ва варзиши минтақаи Кӯлоб 1 ҷой, […]

14.01.2020 Варзишгарони навраси тоҷик дар мусобиқаи байналмилалӣ оид ба бокс соҳиби 3 медал шуданд.

 Дар мусобиқаи байналмилалӣ оид ба бокс миёни наврасон варзишгарони тоҷик сазовори 3 медал: 2 нуқра ва 1 биринҷӣ шуданд.  Мусобиқаи мазкур аз 6 то 10 январ дар шаҳри Тошканди Ҷумҳурии Ӯзбекистон доир шуда, дар он наздик ба 200  нафар варзишгарони соли таваллудашон 2004-2005 аз Тоҷикистон, Ӯзбекистон,  Қазоқистон ва Россия иштирок намуданд. Тавре аз Кумитаи миллии олимпии Тоҷикистон ба АМИТ «Ховар» хабар доданд, мусобиқаи  байналмилалӣ оид ба бокс миёни наврасон аз рӯи 15 категорияи вазнӣ доир шуда, аз ҳайати дастаи Тоҷикистон медалҳои нуқраро Алишер Саидов дар вазни 44кг ва Абубакр Муродов дар вазни 54кг ба даст оварданд. Дар вазни 63кг Нурланбек Ёрматов ғолиби медали биринҷӣ гардид.  

Данная рубрика не содержит информаций