30-уми май аз ҷониби Конфедератсияи футболи Осиё (АФК) дар шаҳри Куала-Лумпури Малайзия қуръакашии даври аввали бозиҳои интихобии чемпионати Осиё-2019 миёни духтарони 16-сола ва 19-сола доир шуд.

Дастаи мунтахаби занонаи то 16 солаи кишвар тибқи қуръакашӣ дар гурӯҳи “С” бо ҳамсолонашон -Тайланд, Эрон, Ҷазираҳои Мариани Шимолӣ ва Сингапур рақобат мекунанд.

Марҳилаи аввали бозиҳои интихобӣ дар ин гурӯҳ аз 15 то 23 сентябри соли ҷорӣ дар шаҳри Душанбе баргузор мегардад.

Даври дуюми бозиҳои интихобии мусобиқаи қаҳрамонии Осиё-2019 аз 23 феврал то 3 марти соли 2019 доир гардида, дар он ғолибони шаш гурӯҳ ва ду дастаи беҳтарини ҷойҳои дуюми марҳилаи аввали интихобӣ роҳ меёбанд.

Натиҷаи қуръакашии марҳилаи аввали интихобии чемпионати Осиё-2019 миёни духтарони то 16-сола:

Гурӯҳи “А”: Чин, Узбекистон, Урдун, Гуам, Шри-Ланка (мизбон).

Гурӯҳи “В”: Лаос, Ҳиндустон, Ҳонконг, Покистон, Муғулистон (мизбон).

Гурӯҳи “С”: Тайланд, Эрон, Марианаи Шимолӣ, Сингапур, ТОҶИКИСТОН (мизбон).

Гурӯҳи “D”: Австралия, Тайпейи Чин, Қирғизистон (мизбон), Фаластин, Индонезия.

Гурӯҳи “Е”: Филиппин, Мянма, Малайзия, Непал (мизбон), Сурия.

Гурӯҳи “F”: Бангладеш (мизбон), Ветнам, АМА, Баҳрайн, Лубнон.

Инчунин дар қароргоҳи Конфедератсияи футболи Осиё, қуръакашии марҳилаи аввали интихобии чемпионати Осиё миёни духтарони то 19-сола доир гашт. Дар натиҷа, тими футболи бонувони кишвар (U-19) дар гурӯҳи “D” бо дастаҳои якачини Кореяи Ҷанубӣ, Бангладеш ва Тайпейи Чин сабқат менамоянд. Бозиҳои гурӯҳӣ аз 24 то 28 октябри соли равон дар шаҳри Душанбе баргузор мешаванд.

Дар ин мусобиқа 27 даста ба 6 гурӯҳ ҷудо шуданд. Дар марҳилаи дуюми интихобӣ, ки 22-30 апрели соли 2019 8 дастаи беҳтарини марҳилаи аввал рақобат менамоянд.

Натиҷаи қуръакашии марҳилаи аввали интихобии чемпионати Осиё миёни духтарони то 19-сола:

Гурӯҳи “А”: Австралия, Ҳонконг, Афғонистон, Лубнон, Муғулистон.

Гурӯҳи “В”: Тайланд (мизбон), Ҳиндустон, Покистон, Непал, Сингапур.

Гурӯҳи “С”: Узбекистон, Қирғизистон (мизбон), АМА, Гуам, Малдив.

Гурӯҳи “D”: Кореяи Ҷанубӣ, Тайпейи Чин, ТОҶИКИСТОН (мизбон), Бангладеш.

Гурӯҳи “Е”: Ветнам, Урдун, Марианаи Шимолӣ, Малайзия.

Гурӯҳи “F”: Мянма (мизбон), Эрон, Фаластин, Лаос.