73402, Тоҷикистон Душанбе, к.Спортивная 6; (+992 37) 2351023; 2367815;

Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Меню


МИЗИ МУДАВВАР: “Мо – ҷавононро месазад, ки ба қадри оромии Ватан бирасем”

Дар шаҳри Қӯрғонтеппа дар мавзӯи “Аҳамияти ваҳдати миллӣ барои мардуми Тоҷикистон” мизи мудаввар баргузор шуд.
Чорабиниро директори Осорхонаи таъриху кишваршиносии вилояти Хатлон ба номи “Авасто” ҳусни оғоз бахшида қайд намуд, ки маҳз барқарории сулҳ ва ризоияти миллӣ буд, ки барои рушди босуръати иқтисодиёти кишвар, пешрафти тамоми соҳаҳои хоҷагии халқ шароитҳои мусоид муҳайё гардида, имрӯз таҳти роҳбарии хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон Ватани мо бо қадамҳои боэътимод ба сӯи ояндаи дурахшони худ пеш рафта истодааст.
Намояндаи Раёсати кор бо ҷавонон ва варзиши вилояти Хатлон оид ба заҳматҳои шабонарӯзии Пешвои миллат, муҳтарам Эмомалӣ Раҳмон дар ба даст овардани Истиқлолияти давлатӣ ва Ваҳдати миллӣ ибрози андеша намуд.
Шарифзода Фирдавс, сармутахасиси шуъбаи таърихи бостон ва асрҳои миёнаи Осорхонаи миллии Тоҷикистон, намояндаи Раёсати фарҳанги вилоят, волонтёрону иштирокчиёни мизи мудаввар дар суханронии худ нақши Пешвои миллатро дар ба даст овардани сулҳу субот ва Ваҳдати миллӣ таъкид намуда афзуданд, ки “Сулҳи бадастомада натиҷаи заҳматҳои зиёди сулҳофаринӣ ва иродаи неки миллати тоҷик, кӯшишу заҳматҳои шабонарӯзии Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмон мебошад. Мо – ҷавононро месазад, ки ба қадри сулҳу субот, тинҷию оромии Ватани хеш бирасем”.
Ёдовар мешавем, ки ин чорабинӣ бахшида ба 20-солагии Ваҳдати миллӣ ва “Соли ҷавонон”, бо ташаббуси волонтёрони назди Раёсати кор бо ҷавонон ва варзиш дар якҷоягӣ бо Муассисаи давлатии осорхонаи таъриху кишваршиносии вилояти Хатлон ба номи “Авасто” баргузор карда шуд.0-02-05-d8da688987bc9d8a87ea205d7372b2bb2b0e7ea2d417665bfaa8c95a35359fbe_full 0-02-05-81a90ca671eba5ba29624d8c8545ced94042a69b9d58672c3ee9aced15ceb395_full


19.06.2017 Нет комментариев

Комментировать

Ваш email не будет опубликован.