734002, Тоҷикистон Душанбе, к. Спортивная 6; (+992 37) 2351023; 2367815;

Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Меню


Паёми ҷавонпарвари Пешвои миллат ва Соли ҷавонон муборак бошад!

Паёми имсолаи Президенти Ҷумҳурии Тоҷикистон ба Маҷлиси Олӣ саршор аз меҳру муҳаббат нисбати насли наврасу ҷавон буда, Пешвои муаззами миллатамон дар тамоми самтҳои фаъолияти Ҳукумат баҳри некуаҳволии ҷавонон, баркамолию соҳибмаърифат будани онҳо ва фароҳам овардани зиндагии шоиста баҳри ин қишри ояндасоз дастуру супоришҳои дахлдор доданд.

Паёми Пешвои миллат, ҳамчун як шоҳкитоби меҳр, садоқат, боварӣ ва умеди басо бузург барои наврасону ҷавонон ироа гардид.

Бо дарки баланди масьулият иброз менамоям, ки ба сифати як ҷавон ва масъули сиёсати давлатии ҷавонон аз лаҳзаи аввал то охири ироаи Паём, манзери таъсири суханони басо пурарзиш, эҳтироми хосаи Пешвои миллат нисбати тақдири ҷавонон ва нақшаю иқдомҳои наҷиб барои ҳаёти ояндаи миллати тоҷик қарор доштам.

Солҳо мегузаранд, вале тақдир ва таърих то абад гувоҳ боқӣ мемонад, ки сиёсат ва меҳру муҳаббати Пешвои миллат, мӯҳтарам Эмомалӣ Раҳмон нисбати ҷавонон беназир ва нотакрор аст!

Эълон гардидани соли 2017 ҳамчун «Соли ҷавонон» ин нишонаи олии эҳтирому эътиқоди Президенти Ҷумҳурии Тоҷикистон ба ҷавонони соадатманди диёр ва дар меҳвари сиёсати иҷтимоии Ҳукумат қарор доштани ин қишри ояндасози кишвар мебошад.

Ҷавонони арҷманд,

Дар асл, Ҳукумати Тоҷикистон ташаббусу пешниҳодҳои созандаи ҷавононро ҳамеша дастгирӣ намуда, барои амалӣ гардидани онҳо имконият фароҳам овардааст.

Дар ҷавоб ба чунин ғамхории сатҳи баланд моро зарур аст, ки даст ба даст карда, аз ҳар вақта бештар меҳнат кунем, кӯшиш намоем, ки донишҳои замонавӣ дошта бошем ва бо интихоби дурусти касб баҳри ободиву пешрафти сарзамини аҷдодӣ ва ҳимояи Ватани азизамон саъю талош намоем.

Соли ҷавонон барои мо имтиҳон ва масъулияти басо бузург аст, ки онро бояд бо меҳнати содиқона ва иқдомҳои созандаи ватанпарастона, ҳамчун фарзандони содиқи Ватан ва пайравони асили Пешвои миллат сазовору шоиста пешвоз гирем ва ба ояндагон ҳамчун ҷашнвораи ҷавонӣ мерос гузорем.

Баҳои сатҳи баланди имрӯзаи Президенти кишвар ба Шумо бародарону хоҳарон, ҷавонони сарбаланди тоҷик муборак бошад, ки имрӯз бо савияи илму дониш, маърифату ҷаҳонбинӣ, сатҳи тафаккур ва одобу ахлоқ сазовори ифтихори Пешвои миллат гардидед.

Мо низ сидқану самимона ва бо тамоми меҳри инсоние, ки дар вуҷуд мепарварем бо Пешвои муаззами худ ифтихор менамоем.

Ҷавонони саодатманди кишвар, пайравони асили Пешвои миллат, Соли ҷавонон барои мову Шумо муборак бошад!

Бо камоли эҳтиром,
Раиси Кумитаи ҷавонон,варзиш ва сайёҳӣ
Аҳтам Абдуллозода


22.12.2016 Нет комментариев