73402, Тоҷикистон Душанбе, к.Спортивная 6; (+992 37) 2351023; 2367815;

Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон

Меню

Роҳбарият

Абдуллозода Аҳтам Рустам 

Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон

Абдуллозода Аҳтам

31 октябри соли 1980 дар деҳаи Андароби ноҳияи Кӯлоби вилояти Хатлон таваллуд шудааст. Миллаташ тоҷик, маълумоташ олӣ. Соли 2002 Донишгоҳи миллии Тоҷикистонро бо дипломи аъло хатм намуда, соҳиби ихтисоси ҳуқуқшиноси байналхалқӣ гаштааст.

Солҳои 2002-2007 дар вазифаҳои мушовири ҳуқуқии Маркази истеҳсолию тиҷоратии «Иқлим» ва машваратчии ҳуқуқии ҶДММ «Юнитекс» фаъолият намудаст. Соли 2007 дар Дастгоҳи иҷроияи Президенти Ҷумҳурии Тоҷикистон дар вазифаҳои мутахассиси пешбар, сармутахассис, мудири бахш, муовини мудири Шуъбаи мудофиа ва тартиботи ҳуқуқӣ ва аз моҳи январи соли 2014 сардори Раёсати мудофиа ва тартиботи ҳуқуқии Дастгоҳи иҷроияи Президенти Ҷумҳурии Тоҷикистон кор кардааст.

Бо Қарори Ҳукумати Ҷумҳурии Тоҷикистон аз 12 июни соли 2014 ба вазифаи раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон таъин гардидаст.

Рутбаи ҳарбии подполковник дошта, бо медалҳои ҷашнии «80-солагии Ташкилоти мададгори мудофиа», «85-солагии Прокуратураи Ҷумҳурии Тоҷикистон», «85-солагии милитсияи Тоҷикистон»,«15-солагии Гвардияи миллии Тоҷикистон» ва “20 солагии Гвардияи миллии Ҷумҳурии Тоҷикистон” мукофотонида шудааст.

Соли 2016, бо фармони Президенти Ҷумҳурии Тоҷикистон бахшида ба 25 – солагии Истиқлолияти давлатии Ҷумҳурии Тоҷикистон  бо медали «Хизмати шоиста» сарфароз гардонида шуд.

Ӯ ҳамчунин Раиси Иттифоқи ҷавонони Тоҷикистон, муовини Президенти Кумитаи миллии олимпии Тоҷикистон ва узви  Кумитаи иҷроияи Федератсияи футболи Тоҷикистон мебошад.

Оиладор, соҳиби 3 фарзанд

Назарзода Ризо Шодӣ

Муовини якуми Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон

Назарзода Ризо

28 июли соли 1988 дар шаҳри Хоруғи Вилояти Мухтори Кӯҳистони Бадахшон ба дунё омадааст. Миллаташ тоҷик, маълумоташ олӣ. Соли 2011 Донишгоҳи давлатии шаҳри Хоруғро бо дипломи аъло хатм намуда, соҳиби ихтисоси муаррих, омӯзгори фанни таърих ва ҳуқуқ гардид.

Айни замон дар бахши чоруми факултаи иқтисоди Донишгоҳи давлатии Хоруғ бо ихтисоси баҳисобгирии бухгалтерӣ ва аудит (ғоибона) таҳсил намуда истодааст.

Солҳои 2007 – 2013 дар вазифаҳои мудири Шӯъбаи кор бо ҷавонони Донишгоҳи давлатии шаҳри Хоруғ, вакил ва муовини аввали раиси Парлумони ҷавонони Тоҷикистон, муовини роҳбари Ташкилоти ҷамъиятии ҷавонон “Созандагони Ватан”, директори Муассисаи давлатии “Маркази ҷавонон”-и Вилояти Мухтори Куҳистони Бадахшон фаъолият намудааст.

Солҳои 2013 – 2014 ба ҳайси сардори Раёсати ҷавонон, варзиш ва сайёҳии Вилояти Мухтори Куҳистони Бадахшон кор кардааст.

Ҳамзамон, солҳои 2010 – 2014 вакили Маҷлиси вакилони халқи шаҳри Хоруғи Вилояти Мухтори Куҳистони Бадахшон мебошад.

Аз 21 феврали соли 2014 то 23 январи соли 2017 дар вазифаи муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон фаъолият намудааст.

Бо Қарори Ҳукумати Ҷумҳурии Тоҷикистон аз 23 январи соли 2017, №14 ба вазифаи муовини якуми Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон  таъин гардидааст.

Бахшида ба 25 – солагии Истиқлолияти давлатии Ҷумҳурии Тоҷикистон бо фармони Президенти Ҷумҳурии Тоҷикистон аз 11 июли соли 2016, № 723 бо «Ифтихорномаи Ҷумҳурии Тоҷикистон» ва аз 30 декабри соли 2016 бо мукофоти “Аълочии фарҳанги Ҷумҳурии Тоҷикистон” сарфароз гардонида шудааст.

Забонҳои русӣ ва англисиро медонад.

Оиладор, соҳиби 2 фарзанд.

Амирбекзода Ҳабибулло

Муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон (сарпарасти соҳаи кор бо ҷавонон)

Амирбекзода Ҳабибулло

7-уми октябри соли 1979 дар ҷамоати деҳоти Дарагиёни ноҳияи Файзобод дар оилаи хизматчӣ таваллуд шудааст.

Соли 1996 мактаби миёнаи №60-и ноҳияи Синои шаҳри Душанберо бо баҳои хубу аъло хатм намуда, худи ҳамон сол ба факултаи ҳуқуқшиносии ДДМТ дохил шуда, соли 2001 онро бо ихтисоси ҳуқуқшиноси байналхалқӣ хатм намудааст.

Сипас, соли 2001 бо роҳхати ДДМТ ба Суди Олии Ҷумҳурии Тоҷикистон ба кор рафта, то соли 2008 дар вазифаҳои котиби маҷлиси судӣ, мутахассиси дараҷаи аввал оид ба парвандаҳои гражданӣ, ёрдамчии Раис, мушовир, сардори шӯъбаи арзу шикоятҳо, Сардори шўъбаи ҷамъбасткунӣ ва расонидани ёрии амалӣ ба судҳои поёнӣ фаъолият намуда, аз соли 2008 то соли 2010 дар вазифаҳои мутахассис, сармутахассиси шўъбаи кафолатҳои конститутсионии ҳуқуқи шаҳрвандон ва сармутахассиси шўъбаи мудофиа ва тартиботи ҳуқуқии Дастгоҳи иҷроияи Президенти Ҷумҳурии Тоҷикистон адои вазифа намуда, аз соли 2010 то соли 2015 дар вазифаи Роҳбари Дастгоҳи Суди Олии Ҷумҳурии Тоҷикистон ифои вазифа намудааст.

Ҳамзамон, соли 2010 ба факултаи баҳисобгирии бухгалтерӣ ва аудити Донишгоҳи давлатии тиҷорати Тоҷикистон (маълумоти дуюм) дохил шуда, соли 2013 онро хатм намудааст.

Инчунин, унвонҷӯи Институти фалсафа, сиёсатшиносӣ ва ҳуқуқи Академияи илмҳои Ҷумҳурии Тоҷикистон буда, дар мавзӯи «Санадҳои меъёрии ҳуқуқии мақомоти ҳокимияти иҷроияи Ҷумҳурии Тоҷикистон ҳамчун сарчашмаи ҳуқуқ: ҷанбаҳои умумии назариявӣ» кори илмӣ намуда истодааст.

Бо Қарори Ҳукумати Ҷумҳурии Тоҷикистон аз 22 майи соли 2015 ба ҳайси муовини Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон таъин шудааст.

Оиладор, соҳиби 4 фарзанд мебошад.

Назаров Дилшод Ҷамолиддинович

Муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон (сарпарасти соҳаи варзиш)

Назаров Дилшод

6 майи соли 1982 дар шаҳри Душанбе таваллуд шудааст. Хатмкардаи Донишкадаи тарбияи ҷисмонии Тоҷикистон ва Донишгоҳи давлатии тиҷорати Тоҷикистон мебошад.

Ғолиби Бозиҳои V Осиёи Марказӣ (Душанбе, 2003), ҷойи дуюм дар Бозиҳои Африқоиву Осиё (Ҳиндустон, 2003), ғолиби Бозиҳои I кишварҳои исломӣ (Арабистони Саудӣ, 2005), ҷойи дуюм дар чемпионатҳои Осиё (Кореяи Ҷанубӣ, 2005, Урдун, 2007), қаҳрамони Осиё (Чин, 2009, Ҳиндустон, 2013), ғолиби секаратаи Бозиҳои Осиё дар Қатар (2006), Чин (2010) ва Корея (2014), ширкаткунандаи Бозиҳои олимпӣ дар Афина (2004), Пекин (2008), Лондон (2012), Рио – де- Женейро (2016) ғолиб ва ҷоизадори бисёркаратаи мусобиқоти байналмилалӣ (2009-2013), рекорди инфиродӣ: 80 метру 31 сантиметр (2013).

Чемпиони Бозиҳои олимпӣ Рио – де – Женейро 2016.

Дорандаи медали Шараф дараҷаҳои 1 ва 2.

Раиси Федератсияи варзиши сабуки Тоҷикистон.

Бо Қарори Ҳукумати Ҷумҳурии Тоҷикистон аз 6 январи соли 2014 ба ҳайси муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон таъин карда шудааст.

Оиладор, соҳиби cе фарзанд.

Аҳмадзода Дилноза Давроналӣ

Муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон 

image-0-02-05-d5fa6ab36802a6dae67325ecdd4bbaf595a4e7eef12aff49d6637cdcfae23a36-V23 октябри соли 1989 дар шаҳри Хуҷанди вилояти Суғд, дар оилаи зиёӣ таваллуд шудааст. Миллаташ тоҷик, маълумоташ олӣ. Соли 2011 Донишгоҳи давлатии ҳуқуқ, бизнес ва сиёсати Тоҷикистонро  бо дипломи аъло хатм намуда, соҳиби ихтисоси ҳуқуқшинос гардидааст.

Аз моҳи январ то августи соли 2012 ҳамчун хабарнигори рӯзномаи “Тирози ҷаҳон” фаъолият намудааст. Сипас солҳои 2012 то 2015  ба ҳайси омӯзгори кафедраи Назария, таърихи давлат ва ҳукуқ ва кафедраи Ҳуқуқи конситутсионии факултаи ҳуқуқшиносии Донишгоҳи давлатии ҳуқуқ, бизнес ва сиёсати Тоҷикистон кор кардааст.

Аз моҳи август то сентябри соли 2015 дар вазифаи сардори Раёсати рушди туризми Кумитаи ҷавонон, варзиш ва сайёҳӣ фаъолият намуда, баъдан аз моҳи сентябри соли 2015 то 23 январи соли 2017 дар вазифаи сардори Раёсати кор бо ҷавонони Кумитаи ҷавонон, варзиш ва сайёҳӣ фаъолияти худро идома додааст.

Бо қарори Ҳукумати Ҷумҳурии Тоҷикистон аз 23 январи соли 2017, № 15 ба вазифаи муовини Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон таъин гардидааст.

Ҳамчунин Аҳмадзода Дилноза Давроналӣ дар корҳои ҷамъиятӣ фаъолона ширкат варзида, аз соли 2011 то 2013 раиси Шӯрои духтарони Кумитаи иҷроияи Ҳизби халқии демокоратии Тоҷикистон дар вилояти Суғд ва аз соли 2014 то 2015 ба ҳайси раиси Шӯрои духтарони вилояти Суғд фаъолият бурдааст.

Забонҳои русӣ ва англисиро медонад.

Оиладор, соҳиби ду фарзанд.

Ҷавонон

28.03.2017 НАХУСТИН ФОРУМИ БАЙНАЛМИЛАЛИИ ДӮСТИИ ҶАВОНОН ДАР МАВЗӮИ «ТАШАББУСҲОИ БАЙНАЛМИЛАЛИИ ЭМОМАЛӢ РАҲМОН ВОБАСТА БА ОБИ ОШОМИДАНӢ»

Санаи 29 марти соли 2017, соати 9:00 бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ҷиҳати иҷрои нақшаи чорабиниҳо бахшида ба “Соли ҷавонон”, ки бо Амри Президенти Ҷумҳурии Тоҷикистон аз  8 феврали соли 2017 №АП-833 тасдиқ шудааст дар “Кохи Афсарон” – и Вазорати мудофиаи Ҷумҳурии Тоҷикистон Нахустин Форуми байналмилалии дӯстии ҷавонон дар мавзӯи «Ташаббусҳои байналмилалии Эмомалӣ Раҳмон вобаста ба оби ошомиданӣ»  баргузор менамояд. Тибқи барномаи форуми мазкур мавзуҳои марбут ба иқдомҳои наҷибу созандаи Пешвои муаззами миллат дар арсаи байналмилалӣ, аз ҷумла Қатъномаи СММ оид ба эълони Даҳсолаи байналмилалии амал «Об барои рушди устувор», солҳои 2018-2028 ва эълон гардидани соли 2017 “Соли ҷавонон” дар кишвар мавриди омӯзиши олимону […]

28.03.2017 Анонс: Маҳфили адибони ҷавони навқаламу эҷодкор таҳти унвони “Гулбарги Наврӯзӣ”

Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар доираи Нақшаи чорабиниҳои “Соли ҷавонон” тасмим гирифтааст, ки санаи 30 марти соли 2017, соати 10:00 дар Хонаи адибони Иттифоқи нависандагони Тоҷикистон маҳфили адибони ҷавони навқаламу эҷодкорро таҳти унвони “Гулбарги Наврӯзӣ” баргузор намояд. Дар маҳфили мазкур шоирону адибони маъруфи ҷумҳурӣ низ иштирок менамоянд. Инчунин ҳунармандону ҳофизони ҷавон бо асбобҳои мусиқии миллӣ ва сурудҳои фораму дилангез ба маҳфил ҳусни фарҳангӣ зам менамоянд. Марҳабо ба маҳфили ширу шакар!!!

19.03.2017 Айнӣ: Мулоқот бо ҷавонон бахшида ба Соли ҷавонон.

Санаи 16 марти соли 2016 дар маҷлисгоҳи Мақомоти иҷроияи ҳокимияти давлатии ноҳияи Айнӣ мулоқоти раиси ноҳия бо ҷавонон баргузор гардид.  Дар мулоқоти мазкур роҳбарони ташкилоту муасиссаҳои дахлдор ва зиёда аз 300 нафар ҷавонон иштирок намуданд. Нахуст, Неъматулло Раҳматуллозода раиси ноҳия ба сухан баромада, иброз намуд, ки мулоқоти мо дар рӯзҳое баргузор мегардад, ки ҷавонони саодатманди кишвар аз эълон гаштани Соли ҷавонон истиқбол намуда, бо ғайрату илҳоми тоза ҷиҳати татбиқи амалӣ намудани нақша-чорабиниҳои Соли ҷавонон саъю талош доранд. Инчунин қайд карда шуд, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар паёми имсолаи хеш соли 2017 -ро ҳамчун Соли ҷавонон пешниҳод намуданд, ки ин боиси […]

19.03.2017 Тантанаҳои Наврӯзи ҷавонони ноҳияи Бохтар

17 март бо ташаббуси Бахши ҷавонон, варзиш ва сайёҳии нощияи Бохтар дар ҷамоати деҳоти Ориён “Наврӯзии ҷавонон” баргузор карда шуд. Нахуст, Парвиз Азимов мудири бахши ҷавонон, варзиш ва сайёҳӣ дар суханронии худ фарорасии Наврӯзи хуҷастаро, ки он бо ташаббуси Пешвои миллат мақоми байналмилалӣ гирифтаасту аз таъриху тамаддуни миллати тоҷик гувоҳи медиҳад ҷавонону иштирокдоронро табрик намуд. Барномаи “Наврӯзии ҷавонон”-ро хурокҳои миллие, ки аз ҷониби бонувону духтарони чеҳрадаст омода гардида буданд ҳусну таровати дигар бахшид. Қисмати дигар чорабини “Наврӯзии ҷавонон” ин барномаи фарҳангию фароғати ва варзишӣ ба ҳисоб мерафт, ки он баҳри болидахотирии иштирокдорон баргузор гардида дар фарҷом барои иштироки фаъолона ва саҳмгузории ҷавонони фаъолу ташаббускори ноҳияи Бохтар барои дар сатҳи баланд […]

18.03.2017 Рӯдакӣ: Баргузории аксияи “Хизмат ба Ватан шараф аст!

Санаи  17 марти соли ҷорӣ бо ташаббуси бахши ҷавонон, варзиш ва сайёҳии ноҳияи Рӯдакӣ дар макази ноҳия  аксияи тарбиявӣ -ватандӯсти таҳти унвони «Хизмат ба Ватан шараф  аст» баргузор карда шуд. Дар аксияи мазкур  маводҳои таблиғоти аз ҷумла буклетҳо, фиттҳои “Суруди сарбоз” ва китобчаҳои «Ба муҳофизати Ватан омода бош» аз ҷониби волонтиёрони бахш ба ҷавонон тақсим карда шуданд.

Варзиш

29.03.2017 Дилшод Назаров: Одоби варзишгар аз медали тиллои олимпӣ гаронарзиш аст!.

23 – юми марти соли ҷорӣ ба ифтихори Иди байналмилалии Наврӯз дар Муассисаи давлатии «Наврӯзгоҳи пойтахт» мусобиқаи ҷумҳуриявӣ оид ба гуштини миллӣ барои дарёфти ҷоми «Пойтахт-2017» баргузор гардид. Дар ин чорабинии пуртантан  8 даста аз қабили Душанбе – 1 ва 2, Хатлон-1 ва 2, Суғд, Вилояти Мухтори Кӯҳистони Бадахшон ва Рашту дигарон дар шумули зиёда аз 32 варзишгарони чолоку номӣ дар вазнҳои 65+, -80 ва 80 + кг иштирок вақувваозмоӣ карданд. Баъди қувваозмоии ниҳоӣ дар вазни 80+ кг миёни паҳлавон Саидҷалол Саидов ва Комроншоҳи Устопириён аз ҷониби мағлуб Комроншоҳи Устопириён рафтори номақбул зоҳир гардид, ки тавассути васоити ахбори омма мустаҳқиман пахш шуду сару садоҳои зиёдро ба бор овард. Акси ҳол […]

28.03.2017 Ҷаласаи корӣ баҳри таҳкими варзиш ва тарбияи ҷисмонӣ.

Санаи 27 марти соли ҷорӣ дар дастгоҳи марказии Кумита ҷаласаи корӣ вобаста ба таҳкими варзиш, тарғибу ташвиқи тарзи ҳаёти солим, оммавияти намудҳои миллӣ ва олимпӣ, натиҷагирӣ аз баргузории Фестивали бозиҳои милии варзишӣ, чорабиниҳои оммавӣ, варзиш ва солимгардонӣ бахшида ба Иди байналмилалии Наврўз, Тақвими ягонаи чорабиниҳои варзишӣ барои соли 2017 ва таъмини иштироки варзишгарон дар мусобиқаҳои сатҳи байналмилалӣ, ҷаҳонӣ ва осиё мавриди баррасӣ қарор гирифта, ба масъулин дастуру супоришҳои мушаххас дода шуд. Дар ҷараёни кори ҷаласа ҳамзамон, мусобиқаи ҷумҳуриявӣ оид ба гўштини миллӣ барои дарёфти ҷоми “Пойтахт – 2017”, ки санаи 23 марти соли ҷорӣ дар Наврўзгоҳи пойтахт доир гардид, махсусан рафтори берун аз одоби варзишгар Комроншоҳи Устопириён низ мавриди баррасӣ […]

25.03.2017 Ғолибони мусобиқаҳои варзишии Ҷоми “Пойтахт -2017” муайян гардиданд..

24 марти соли 2017 дар Муассисаи давлатии «Мактаби ҷумҳуриявии маҳорати олии варзишӣ оид ба намудҳои гӯштин» маросими ҷамбасти мусобиқаҳои варзишӣ барои дарёти Ҷоми “Пойтахт -2017” оид ба волейбол дар байни бонувон ва теннис дар байни наврасону духтарон доир карда шуд. Дар маросими мазкур роҳбарияти Кумитаи ҷавонон, варзиш ва сайёҳӣ, намояндагони Мақомоти иҷроияи ҳокимияти давлатии шаҳри Душанбе, мухлисону ҳаводорон ва ВАО иштирок намуданд. Ризо Назарзода муовини якуми Раиси Кумитаи ҷавонон, варзиш ва сайёҳӣ ба сухан баромад, иброз дошт, ки бо мақсади дар сатҳи баланди ташкиливу фарҳангӣ таҷлил намудани Иди байналмилалии Наврӯз – 2017, ташвиқу тарғиб ва рушду равнақи варзиш, таъмини оммавияти варзишу солимгардонӣ бо ташббуси Кумитаи ҷавонон, варзиш ва сайёҳӣ ва […]

25.03.2017 Ғолибони мусобиқаи гӯштини миллӣ барои дарёти Ҷоми “Пойтахт -2017” муаян гардиданд..

23 марти соли 2017 дар Муассисаи давлатии «Наврӯзгоҳи пойтахт» даври аввали Фестивали бозиҳои миллии варзишӣ ва мусобиқаи ҷумҳуриявӣ оид ба гуштини миллӣ барои дарёфти Ҷоми «Пойтахт-2017» бахшида ба иди байналмилалии Наврӯз баргузор гаридид. Нахуст, марҳилаи аввали Фестивали бозиҳои миллии варзишӣ доир гардид, ки дар он  8 намуди варзиш аз ҷумла чавгонбозӣ, вазнбардорӣ, гӯштингирӣ ё гӯштини миллии суннатӣ, дастхобонӣ, пойга, шоҳмот ва бандкашӣ ба намоиш гузошта шуд. Аҳтам Абдуллозода раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон зимни баромади худ иброз намуд, ки бо мақсади эҳё, рушд ва амалии бозиҳои миллии варзишӣ ва тарбияи насли наврас дар руҳияи эҳтиром ва арҷгузорӣ ба таъриху анъанаҳои миллии аҷдодон, ҳамзамон таҳкими тарзи ҳаёти […]

21.03.2017 Душанбе: Оғози мусобиқаи теннис барои дарёфти ҷоми «Пойтахт -2017».

21 марти соли ҷорӣ дар «Қасри теннис»-и шаҳри Душанбе маросими кушодашавии мусобиқаи кушоди ҷумҳуриявӣ оид ба теннис байни наврасону духтарон барои дарёфти ҷоми «Пойтахт -2017» доир карда шуд. Дар расми ифтитоҳи он роҳбарияти Кумитаи ҷавонон, варзиш ва сайёҳӣ, намоядагони Мақомоти иҷроияи ҳокимияти давлатии шаҳри Душанбе ва дигарон иштирок намуданд. Дар мусобиқаи мазкур варзишгарон аз дастаҳои Хатлон, Суғд, ШНТҶ ва шаҳри Душанбе иштирок доранд. Мусобиқа то 24 март идома ёфта ғолибон бо ҷоми “Пойтахт – 2017”, медал ва дипломҳои дараҷавӣ сарфароз гардонида мешавнд. Бояд қайд намуд, ки бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва Мақомоти иҷроияи ҳокимияти давлатии шаҳри Душанбе бахшида ба ҷашни байналмилалии Наврӯз мусобиқаҳои […]

Сайёҳӣ

28.03.2017 Пойтахт мизбони cилсила чорабиниҳои фарҳангӣ – фароғатӣ дар Соли ҷавонон

Кумитаи ҷавонон, варзиш ва сайёҳӣ бо дастури бевоситаи Роҳбари Дастгоҳи иҷроияи Президенти Ҷумҳурии Тоҷикистон аз 16 марти соли 2017, №25670/26 ҳамчун ҳамоҳангсози чорабиниҳо шурўъ аз 1 апрели соли равон дар боғҳои “Ирам”, “Рўдакӣ”, “Парчами давлатӣ”, “Нишони давлатӣ” ва “Дўстӣ”-и  шаҳри Душанбе бахшида ба Соли ҷавонон ва Ваҳдати миллӣ ҳар ҳафта дар рўзҳои шанбе якшанбе то охири сол дар якҷоягӣ бо вазорату идораҳои дахлдори кишвар, мақомотҳои иҷроияи ҳокимияти давлатии шаҳру ноҳияҳои ҷумҳурӣ ва муассисаҳои олии таълимӣ силсила-чорабиниҳои фарҳангиро баҳри ғанӣ гардонидани маънавиёти сокинони пойтахт ва таъмини истироҳату саёҳати онҳо, махсусан ҷавонон баргузор менамояд. Дар баробари дигар чорабиниҳои фарҳангӣ-фароғатӣ гўшаи туристӣ барои дўстдорони сайру саёҳат ва намоиши маҳсули ҳунармандони ҷумҳурӣ, аз ҷумла […]

20.03.2017 Конфронси миллии сайёҳӣ таҳти унвони “Наврӯз мероси фарҳангии сайёҳӣ”

  20 март бо ташаббуси Кумитаи ҷавонон, варзиш ва сайёҳӣ дар ҳамкорӣ бо мақомоти иҷроияи ҳокимияти давлатии шаҳри Душанбе дар Муассисаи давлатии «Душанбе-Плаза» Конфронси миллии сайёҳӣ таҳти унвони “Наврӯз мероси фарҳангии сайёҳӣ” баргузор гардид. Дар чорабинии мазкур роҳбарияти Кумитаи ҷавонон, варзиш ва сайёҳӣ, Вазорати фарҳанг, Академияи илмҳои Тоҷикистон, Маркази тадқиқоти стратегии назди Президенти Ҷумҳурии Тоҷикистон, ширкатҳои сайёҳӣ, устодону донишҷӯёни муассисаҳои таҳсилоти олии касбӣ ва намояндагони васоити ахбори оммаи миллӣ иштирок намуданд. Нахуст, Аҳтам Абдуллозода раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ба сухан баромада, иброз дошт, ки ҳадафи чорабинии имрӯзаи мо низ муаррифии бузург ва шаҳомати ҷашани Наврӯз ҳамчун соли нави мардуми ориёӣ бо расму оинҳои таърихӣ […]

16.03.2017 Анонс: Конфронси миллии сайёҳӣ таҳти унвони “Наврӯз мероси фарҳангии сайёҳӣ”

20 марти соли 2017, соати 9.00 бо ташаббуси Кумитаи ҷавонон, варзиш ва сайёҳӣ дар ҳамкорӣ бо мақомоти иҷроияи ҳокимияти давлатии шаҳри Душанбе дар Муассисаи давлатии «Душанбе-Плаза» Конфронси миллии сайёҳӣ таҳти унвони “Наврӯз мероси фарҳангии сайёҳӣ” баргузор мегардад. Дар чорабинии мазкур масъулини Кумита, роҳбарони як қатор вазорату идораҳои дахлдори ҷумҳурӣ, намояндагони ширкатҳои сайёҳии ватанӣ ва устодону донишҷӯёни донишгоҳу донишкадаҳои олии кишвар, ки дар риштаи сайёҳӣ мутахассис омода менамоянд, ширкат меварзанд. Ҳадафи аслии Конфронс ба пешвози ҷашни байналмилалии Наврӯз, ки нишонаи олии хубию покӣ, дӯстию ҳамдилӣ ва иди сафову эҳёи табиат мебошад, ҳамзамон тарғибу ташвиқи мероси бойи таърихию фарҳангӣ, ҷалби ҷавонон ба донишандӯзиву эҳтиром ба муқаддасоти миллӣ, арҷгузорӣ ба таъриху тамаддун, анъана […]

16.03.2017 Мулоқоти Аҳтам Абдуллозода бо Абдуллоҳ Муҳаммад Ал Бассомӣ

16 марти соли ҷорӣ дар бинои Вазорати корҳои хориҷии Ҷумҳурии Тоҷикистон мулоқоти Аҳтам Абдуллозода раиси Кумитаи ҷавонон, варзиш ва сайёҳии назди ҳукумати Ҷумҳурии Тоҷикистон бо Абдуллоҳ Муҳаммад Ал Бассомӣ Раиси ширкати тиҷоратии «Al-bassami Group of Сompanies» баргузор гардид. Дар мулоқот масъалаҳои рушди ҳамкориҳои Тоҷикистону Арабистони Саудӣ дар самти соҳаи сайёҳӣ матраҳ гардид. Аҳтам Абуллозода аз имкониятҳои сайёҳие, ки дар Ҷумҳурии Тоҷикистон мавҷуданд ёдовар шуда, аз ҷумла зикр кард, бо дарназардошти табиати биҳиштосо ва кӯҳҳои осмонбӯсу кӯлу дарёҳои зебо, сол то сол ба к ишвар ташрифи сайёҳон афзуда истодааст. «Агар дар соли 2015 аз 59 кишвари дунё сайҳон ба Ҷумҳурии Тоҷикистон ташриф овара бошанд, пас ин шумора дар соли 2016 ба […]

13.03.2017 Намоишгоҳи байналмилалии туристии «Интурмаркет-2017» баргузор шуд

Аз 11 то 13 март дар Маҷмааи «Крокус Экспо»-и шаҳри Москваи Федератсияи Россия 12-умин Намоишгоҳи байналмилалии туристии «Интурмаркет-2017» дар майдони 28000 метри мураббаъ мегузарад. Тавре аз Кумитаи ҷавонон, варзиш ва сайёҳӣ ба АМИТ «Ховар» иттилоъ доданд, дар Намоишгоҳи байналмилалии туристии «Интурмаркет-2017» 1430 адад ширкати сайёҳии беш аз 30 кишвари дунё ва минтақаҳои Федератсияи Россия иштирок менамоянд. Ҳамчунин зери роҳбарии муовини якуми Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Ризо Назарзода ширкатҳои сайёҳии «Ҷавоҳир», «Ориент Адвентур», «Зарафшон Маҷестик Трэйвел», «Виркан-сайр», «Сари Хосор Тревел», Маҷмааи кўҳию лижаронии «Сафед-Дара» дар намоиши мазкур иштирок намуда, гӯшаи туристии Тоҷикистонро дар бозори сайёҳии Федератсияи Россия ва Иттиҳоди давлатҳои мустақил муаррифӣ менамоянд.