734002, Тоҷикистон Душанбе, к. Спортивная 6; (+992 37) 2351023; 2367815;

Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Меню

Роҳбарият

Абдуллозода Аҳтам Рустам 

Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Абдуллозода Аҳтам

31 октябри соли 1980 дар деҳаи Андароби ноҳияи Кӯлоби вилояти Хатлон таваллуд шудааст. Миллаташ тоҷик, маълумоташ олӣ. Соли 2002 Донишгоҳи миллии Тоҷикистонро бо дипломи аъло хатм намуда, соҳиби ихтисоси ҳуқуқшиноси байналхалқӣ гаштааст.

Солҳои 2002-2007 дар вазифаҳои мушовири ҳуқуқии Маркази истеҳсолию тиҷоратии «Иқлим» ва машваратчии ҳуқуқии ҶДММ «Юнитекс» фаъолият намудаст. Соли 2007 дар Дастгоҳи иҷроияи Президенти Ҷумҳурии Тоҷикистон дар вазифаҳои мутахассиси пешбар, сармутахассис, мудири бахш, муовини мудири Шуъбаи мудофиа ва тартиботи ҳуқуқӣ ва аз моҳи январи соли 2014 сардори Раёсати мудофиа ва тартиботи ҳуқуқии Дастгоҳи иҷроияи Президенти Ҷумҳурии Тоҷикистон кор кардааст.

Бо қарори Ҳукумати Ҷумҳурии Тоҷикистон аз 12 июни соли 2014 ба вазифаи раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва аз 21 июни соли 2017 бо  қарори Ҳукумати Ҷумҳурии Тоҷикистон раиси Кумитаи кор бо љавонон ва варзиши назди Ҳукумати Ҷумҳурии Тоҷикистон таъин гардидааст.

Рутбаи ҳарбии подполковник дошта, бо медалҳои ҷашнии «80-солагии Ташкилоти ҷамъиятии мададгори мудофиа», «85-солагии Прокуратураи Ҷумҳурии Тоҷикистон», «85-солагии милитсияи Тоҷикистон», «15-солагии Гвардияи миллии Тоҷикистон» ва “20 солагии Гвардияи миллии Ҷумҳурии Тоҷикистон”, 25 солагии Қувваҳои Мусаллаҳи Ҷумҳурии Тоҷикистон, 90 солагии адлияи Ҷумҳурии Тоҷикистон, 25-солагии Ташкилоти љамъиятии мададгори мудофиаи Ҷумҳурии Тоҷикистон мукофотонида шудааст.

Соли 2016, бо фармони Президенти Ҷумҳурии Тоҷикистон бахшида ба 25 – солагии Истиқлолияти давлатии Ҷумҳурии Тоҷикистон  бо медали «Хизмати шоиста» сарфароз гардонида шуд.

Ӯ ҳамчунин Раиси Иттифоқи ҷавонони Тоҷикистон, муовини Президенти Кумитаи миллии олимпии Ҷумҳурии Тоҷикистон ва узви  Кумитаи иҷроияи Федератсияи футболи Тоҷикистон мебошад.

Оиладор, соҳиби 3 фарзанд

__________________________________________________________________________________

Назарзода Ризо Шодӣ

Муовини якуми раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Назарзода Ризо

28 июли соли 1988 дар шаҳри Хоруғи Вилояти Мухтори Кӯҳистони Бадахшон ба дунё омадааст. Миллаташ тоҷик, маълумоташ олӣ. Соли 2011 Донишгоҳи давлатии шаҳри Хоруғро бо дипломи аъло хатм намуда, соҳиби ихтисоси муаррих, омӯзгори фанни таърих ва ҳуқуқ гардид.

Айни замон дар бахши чоруми факултаи иқтисоди Донишгоҳи давлатии Хоруғ бо ихтисоси баҳисобгирии бухгалтерӣ ва аудит (ғоибона) таҳсил намуда истодааст.

Солҳои 2007 – 2013 дар вазифаҳои мудири Шӯъбаи кор бо ҷавонони Донишгоҳи давлатии шаҳри Хоруғ, вакил ва муовини аввали раиси Парлумони ҷавонони Тоҷикистон, муовини роҳбари Ташкилоти ҷамъиятии ҷавонон “Созандагони Ватан” дар Ҷумҳурии Тоҷикистон, директори Муассисаи давлатии “Маркази ҷавонон”-и Вилояти Мухтори Куҳистони Бадахшон фаъолият намудааст.

Солҳои 2013 – 2014 ба ҳайси сардори Раёсати ҷавонон, варзиш ва сайёҳии Вилояти Мухтори Куҳистони Бадахшон кор кардааст.

Ҳамзамон, солҳои 2010 – 2014 вакили Маҷлиси вакилони халқи шаҳри Хоруғи Вилояти Мухтори Куҳистони Бадахшон мебошад.

Аз 21 феврали соли 2014 то 23 январи соли 2017 дар вазифаи муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон фаъолият намудааст.

Бо Қарори Ҳукумати Ҷумҳурии Тоҷикистон аз 23 январи соли 2017, №14 ба вазифаи муовини якуми Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон  таъин гардидааст.

Бахшида ба 25 – солагии Истиқлолияти давлатии Ҷумҳурии Тоҷикистон бо фармони Президенти Ҷумҳурии Тоҷикистон аз 11 июли соли 2016, № 723 бо «Ифтихорномаи Ҷумҳурии Тоҷикистон», аз 30 декабри соли 2016 бо мукофоти “Аълочии фарҳанги Ҷумҳурии Тоҷикистон” ва аз 31 декабри соли 2017,№2.5 бо Ифтихорномаи Кумитаи кор бо љавонон ва варзиши назди Ҳукумати Ҷумҳурии Тоҷикистон сарфароз гардонида шудааст.

Забонҳои русӣ ва англисиро медонад.

Оиладор, соҳиби 2 фарзанд.

__________________________________________________________________________________

Назаров Дилшод Ҷамолиддинович

Муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон (сарпарасти соҳаи варзиш)

Назаров Дилшод

6 майи соли 1982 дар шаҳри Душанбе таваллуд шудааст. Хатмкардаи Донишкадаи тарбияи ҷисмонии Тоҷикистон ва Донишгоҳи давлатии тиҷорати Тоҷикистон мебошад.

Ғолиби Бозиҳои V Осиёи Марказӣ (Душанбе, 2003), ҷойи дуюм дар Бозиҳои Африқоиву Осиё (Ҳиндустон, 2003), ғолиби Бозиҳои I кишварҳои исломӣ (Арабистони Саудӣ, 2005), ҷойи дуюм дар чемпионатҳои Осиё (Кореяи Ҷанубӣ, 2005, Урдун, 2007), қаҳрамони Осиё (Чин, 2009, Ҳиндустон, 2013), ғолиби секаратаи Бозиҳои Осиё дар Қатар (2006), Чин (2010) ва Корея (2014), ширкаткунандаи Бозиҳои олимпӣ дар Афина (2004), Пекин (2008), Лондон (2012), Рио – де- Женейро (2016) ғолиб ва ҷоизадори бисёркаратаи мусобиқоти байналмилалӣ (2009-2013), рекорди инфиродӣ: 80 метру 31 сантиметр (2013).

Чемпиони Бозиҳои олимпӣ Рио – де – Женейро 2016.

Дорандаи медали Шараф дараҷаҳои 1 ва 2.

Раиси Федератсияи варзиши сабуки Тоҷикистон.

Бо Қарори Ҳукумати Ҷумҳурии Тоҷикистон аз 6 январи соли 2014 ба ҳайси муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон таъин карда шудааст.

Оиладор, соҳиби cе фарзанд.

__________________________________________________________________________________

Аҳмадзода Дилноза Давроналӣ

Муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Ахмадзода

23 октябри соли 1989 дар шаҳри Хуҷанди вилояти Суғд, дар оилаи зиёӣ таваллуд шудааст. Миллаташ тоҷик, маълумоташ олӣ. Соли 2011 Донишгоҳи давлатии ҳуқуқ, бизнес ва сиёсати Тоҷикистонро бодипломи аъло хатм намуда, соҳиби ихтисоси ҳуқуқшиносӣ гардидааст.

Аз моҳи январ то августи соли 2012 ҳамчун хабарнигори рӯзномаи “Тирози ҷаҳон” фаъолият намудааст. Сипас солҳои 2012 то 2015  ба ҳайси омӯзгори кафедраи Назария, таърихи давлат ва ҳукуқ ва кафедраи Ҳуқуқи конститутсионии факултаи ҳуқуқшиносии Донишгоҳи давлатии ҳуқуқ, бизнес васиёсатиТоҷикистон кор кардааст.

Аз моҳи август то сентябри соли 2015 дар вазифаи сардори Раёсати рушди туризми Кумитаи ҷавонон, варзиш ва сайёҳӣ фаъолият намуда, баъдан аз моҳи сентябри соли 2015 то 23 январи соли 2017 дар вазифаи сардори Раёсати кор бо ҷавонони Кумитаи ҷавонон, варзиш ва сайёҳӣ фаъолияти худро идома додааст.

Бо қарори Ҳукумати Ҷумҳурии Тоҷикистон аз 23 январи соли 2017, № 15 ба вазифаи муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон таъин гардидааст.

Ҳамчунин Аҳмадзода Дилноза Давроналӣ дар корҳои ҷамъиятӣ фаъолона ширкат варзида, аз соли 2011 то 2013 раиси Шӯрои духтарони Кумитаи иҷроияи Ҳизби Халқии Демокоратии Тоҷикистон дар вилояти Суғд ва аз соли 2014 то 2015 ба ҳайси раиси Шӯрои духтарони вилояти Суғд фаъолият бурдааст.

Аз моҳи сентябри соли 2017 ба ҳайси унвонҷӯ дар Институти фалсафа, сиёсатшиносӣ ва ҳуқуқи ба номи А. Баҳоваддинови Академияи илмҳои Ҷумҳурии Тоҷикистон қабул шудааст.

Хатмкардаи курси такмили ихтисоси Донишкадаи идоракунии давлатии назди Президенти Ҷумҳурии Тоҷикистон мебошад.

Ҳамзамон дар давоми фаъолият бо медалҳои ҷашнии “10 солагии Қувваҳои Мусаллаҳи Ҷумҳурии Тоҷикистон”, “90 солагии ДОСААФ” ва аз 31 декабри соли 2017 бо Ифтихорномаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон сарфароз гардонида шудааст.

Забонҳои русӣ ва англисиро медонад.

Оиладор, соҳиби ду фарзанд.

Ҷавонон

23.03.2019 Ғолибияти донишҷӯёни тоҷик дар Фестивали байналмилалии “Наврӯз”

Аз 13 то 21 марти соли 2019 дар Донишгоҳи давлатии дӯстии халқҳои шаҳри Москваи Федератсияи Россия Фестивали донишҷӯён бахшида ба таҷлили ҷашни байналмилалии “Наврӯз” баргузор гардид, ки дар он донишҷӯёни Қазоқистон, Қирғизистон, Ӯзбекистон, Эрон, Эквадор, Албания, Туркманистон ва Афғонистон иштирок намуданд. Фестивали мазкур аз ду бахш иборат буда, бахши аввал намоиши дастоварду ҳунарҳои мардумӣ буда, бахши дуюми он аз барномаи фарҳангии ҳунарӣ иборат буд. Маҳфили “Ҷавонони дар хориҷи кишвар таҳсилдошта” дар Донишгоҳи давлатии дӯстии халқҳо бо доираи васеи донишҷӯёни тоҷик дар ин фестивал намоиши молу маҳсулот ва таомҳои миллии тоҷиконаро ба намоиш гузошта, дар барномаи фарҳангӣ бо суруду тарона ва рақсҳои ҷазоби тоҷикона ширкат варзиданд. Ҳамин тариқ дар фестивали мазкур […]

20.03.2019 Мулоқоти Пешвои миллат Эмомалӣ Раҳмон бо 250 нафар ятими кул дар шаҳри Норак

Дар рӯзҳои таҷлили ҷашни байналмилалии Наврӯз ва Соли нави миллӣ Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Норак чун анъанаи аҷдодӣ ба 250 нафар ятими кул, ки муҳассилини муассисаҳои таълимии шаҳру ноҳияҳои вилояти Хатлон мебошанд, туҳфаҳои идона тақдим намуданд. Нахуст Пешвои миллат муҳтарам Эмомалӣ Раҳмон бо таманниёти нек наврасону ҷавонони бо амри тақдир бесаробонмондаро бо фарорасии ҷашни зебои баҳор — Наврӯзи оламафрӯз ва Соли нави миллӣ табрику муборакбод гуфта, онҳоро ба хониши аъло, одоби ҳамида, рафтори намунавӣ ва ҳамчун фарди соҳибилму бомаърифат ба воя расидан, ҳидоят намуданд. Тӯҳфаҳои идонаи Сарвари давлат аз маҷмӯи сару либоси тобистона ва зимистона, аз ҷумла шиму кастюм, […]

20.03.2019 Мусобиқаи ҷумҳуриявӣ оид ба гӯштини миллӣ

Дар шаҳри Норак марҳилаи ниҳоии мусобиқаи ҷумҳуриявӣ оид ба гӯштини миллӣ бо садо додани мусиқии мутантан оғоз гардид. Дар мусобиқаи мазкур гӯштингирон аз тамоми дастаҳои шаҳру ноҳияҳои кишвар иштирок дошта, мухлисону ҳаводорони ин навъи варзиш дар макон ҷамъ омаданд. Мусобиқаи ҷумҳуриявӣ аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо Мақомоти иҷроияи ҳокимияти давлатии вилояти Хатлон бахшида ба ҷашни байналмилалии Наврӯз роҳандозӣ карда шуда истодааст. Пеш аз оғози мусобиқа Суруди миллӣ садо дода, ҳайати дастаҳо ба майдон ворид гардиданд. Ҳамзамон, дар ин мусобиқа беҳтарин доварон аз тамоми гушаву канори мамлакат гуштингирии варзишгаронро доварӣ менамоянд. Дар мусобиқаи мазкур қаҳрамони Бозиҳои олимпӣ Бразилия – 2016, муовини […]

19.03.2019 Суханронӣ дар маросими ифтитоҳи бинои нави таълимии муассисаи таҳсилоти миёнаи умумии рақами 99 дар ноҳияи Синои шаҳри Душанбе

Омӯзгорони муҳтарам ва шогирдони азиз! Ҳозирини гиромӣ! Имрӯзҳо сокинони сарбаланди Тоҷикистон барои истиқболи шоистаи ҷашни воқеан мардумӣ, яъне Наврӯз ё соли нави аҷдодӣ сарҷамъона ва бо амалӣ намудани иқдомоти созанда омодагӣ мегиранд. Дар ин рӯзҳои фасли зебои баҳор бо саъю талоши сокинони пойтахти кишвари маҳбубамон – шаҳри Душанбе низ бисёр корҳои ободонӣ ба анҷом расида, силсилаи иншооту биноҳои нав ба фаъолият оғоз карда истодаанд. Аз ҷумла имрӯз дар ноҳияи Сино бинои нави таълимии муассисаи таҳсилоти миёнаи умумии рақами 99 ба истифода супорида шуд, ки ҳамаи шумо, устодону омӯзгорон ва фарзандони азизро ба ин муносибат самимона табрик мегӯям. Муассисаи таълимие, ки имрӯз ифтитоҳ гардид, барои 1260 нафар хонанда бо маблағгузории Фонди […]

19.03.2019 Ифтитоҳи Муассисаи таҳсилоти миёнаи умумии №99 дар шаҳри Душанбе

Имрӯз бо иштироки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе Рустами Эмомалӣ дар кӯчаи Борбади ноҳияи Синои пойтахт муассисаи таҳсилоти миёнаи умумии рақами 99 мавриди истифода қарор гирифт. Иншооти таълимӣ барои 1260 нафар дар ду баст пешбинӣ шудааст. Арзиши умумии харҷномавии Муассисаи таҳсилоти миёнаи умумии рақами 99 дар маҷмӯъ зиёда аз 14 миллион сомониро ташкил медиҳад. Фармоишгари иншоот Муассисаи давлатии «Маркази татбиқи лоиҳаи сохтмон ва муҷаҳҳазгардонии мактабҳо» буда, корҳои сохтмонӣ аз ҷониби Ҷамъияти дорои масъулияти маҳдуди «Ниагара-а» ба анҷом расонида шудааст. Шароити таълим дар Муассиса бо назардошти талаботи замон фароҳам оварда шудааст. Хонандагон метавонанд дар синфхонаҳои фаннии кимиёву физика ва биология бо […]

Варзиш

24.03.2019 Шоҳҷоиза насиби Саидҷалол Саидов гардид.

Имрӯз дар Наврӯзгоҳи шаҳри Душанбе бо мақсади дар сатҳи баланд таҷлил намудани ҷашни байналмилалии Наврӯз чемпионати Ҷумҳурии Тоҷикистон оид ба гӯштини миллӣ барои дарёфти “Ҷоми пойтахт – 2019” бо доираи васеи варзишгарони кишвар расман оғоз гардид. Дар оғози чемпионат муовини раиси шаҳри Душанбе Ҷумазода Фаррух Турақул иштирок намуда, ҳамаи варзишгарон ва ҳаводорони ин навъи варзишро ба муносибати ҷашни байналмилалии Наврӯз табрик намуда, ба иштирокчиёни чемпионат барору комёбӣ таманно намуданд. Ҳамзамон, дар маросими ифтитоҳи чемпионат мазкур раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдуллозода Аҳтам Рустам иштирок намуда, иброз доштанд, ки дар партави сиёсати варзишпарваронаи Асосгузори сулҳу ваҳдати миллӣ – Пешвои миллат, Президенти Кумитаи миллии олимпии Тоҷикистон, […]

23.03.2019 830 адад чорабиниҳои варзишӣ ба ифтихори ҷашни Наврӯз.

Дар доираи таҷлили ҷашни байналмилалии Наврӯз бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон мусобиқаҳои варзишӣ, чампионатҳои шаҳрию ноҳиявӣ, вилоятиву мусобиқаҳои кушоди ҷумҳуриявӣ доир гардид, ки дар онҳо шумораи зиёди варзишгарон, алоқамандони варзиш ва ҳаводорони риштаҳои гуногуни варзиш ширкат варзиданд. Ҳамин тариқ, дар арафаи таҷлили Наврӯзи хуҷастапай аз ҷониби Кумита дар ҳамкори бо мақомоти иҷроияи маҳалии ҳокимияти давлатии шаҳру ноҳияҳои кишвар 830 адад чорабиниҳои варзишӣ дар саросари ҷумҳурӣ роҳандозӣ гардида, идомаи мусобиқаҳои варзишӣ дар саросари кишвар то 30 марти соли 2019 бомаром идома меёбанд. Дар шаҳри Душанбе дар майдончаҳои навбунёди варзишӣ то 30 марти соли 2019 баргузории 193 чорабинии варзишӣ ба нақша гирифта шудааст, ки ин […]

23.03.2019 Далерии Далер дар Уланбатор дар арафаи ҷашни Наврӯзи байналмилалӣ.

Варзишгари Тоҷикистон Далер Ризозода дар Чемпионати Осиё оид ба гуштин миёни ҷавонони то 23-сола сазовори медали нуқра гардид. Далер – ягона намояндаи Тоҷикистон – дар равияи гуштини юнонӣ-римӣ, вазни 72кг нахуст бар варзишгари Ҳиндустон Ашу Ашу (9:0), сипас бар намояндаи Муғулистон Телмен Пуревбаатар (9:0) ғалаба карда, ба нимфинал баромад. Дар нимфинал бар варзишгари Қирғизистон Бек Конурбоев бо ҳисоби 6:4 дастболо шуда, ба финал роҳ ёфт, вале дар қувваомоӣ барои медали тилло аз намояндаи Эрон Амин Ковиёнинажод шикаст хурд (0:9) ва ҷои дуюмро ишғол кард. Чемпионати Осиё оид ба гуштин миёни ҷавонони то 23-сола 21 март дар шаҳри Уланбатори Муғулистон шуруъ гардид ва то 24 март идома меёбад. Дар чемпионат варзишагрони […]

23.03.2019 Мусобиқаи лижаронӣ дар Сафед – Дара ба ифтихори рӯзи Наврӯз.

Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо Ассотсиатсияи бозиҳои намуди зимистона бахшида ба таҷлили сазовори ҷашни байналмилалии Наврӯз дар маҷмааи лижаронии “Сафед – Дара” мусобиқаи лижарони байни наврасону ҷавонон баргузор гардида истодааст. Дар мусобиқа 60 нафар варзишгарон аз рӯи намуди слаломи хӯрд ва слаломи калон миёни ҳам рақобат менамоянд. Мусобиқаи мазкур аз 23 то 24 марти соли 2019 идома ёфта, ҳадафи он муайян намудани узви дастаи мунтахаби кишвар мебошад. Дар охир ба ғолибон диплом, медал ва туҳфаҳои хотиравӣ тақдим карда мешавад.

23.03.2019 Варзишгарони Тоҷикистон дар Ҷоми ҷаҳонии қаиқронӣ иштирок доранд.

Шурӯъ аз имрӯз, 23 март то 25 марти соли равон дар шаҳри Бҳопали Ҳиндустон Ҷоми кушоди ҷаҳон оид ба қаиқронӣ дар байдарка ва каноэ баргузор мешавад. Ҳайати дастаи мунтахаби Тоҷикистон ҷиҳати иштирок дар мусобиқаи мазкур муайян  гардида, дар Ҷоми кушоди ҷаҳон ҷумҳурии моро 4 варзишгар — Зоҳирҷон Набиев, Шаҳриёр Даминов, Нурмуҳаммади Тоҳир ва Мустафо Даминов бо роҳбарии раиси федератсияи қаиқронии Тоҷикистон Файзулло Шарипов намояндагӣ  мекунанд. Иштирок дар Ҷоми ҷаҳон дар Бҳопал барои қаиқронҳои мо аввалин мусобиқаи таҷрибавӣ қабл аз Чемпионати ҷаҳон аст, ки моҳи август дар Венгрия баргузор мегардад. Варзишгарони мо ҳамчунин моҳи май дар ду марҳилаи Ҷоми ҷаҳон дар Полша ва Германия иштирок мекунанд. Ёдовар мешавем, ки дар чемпионати ҷаҳон […]

Данная рубрика не содержит информаций