734002, Тоҷикистон Душанбе, к. Спортивная 6; (+992 37) 2351023; 2367815;

Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Меню

Варзиш


ХУШҚАДАМ ХУСРАВОВ СОҲИБИ МЕДАЛИ ТИЛЛОИ ЧЕМПИОНАТИ ҶАҲОН ШУД!

Варзишгари тоҷик Хушқадам Хусравов дар Чемпионати ҷаҳон оид ба самбо, ки ин рӯзҳо дар Кохи варзиши «Sala Polivalenta»-и пойтахти Руминия – шаҳри Бухарест ҷараён дорад, медали тилло ба даст овард. Дар мусобиқаи ниҳоӣ Хушқадам Хусравов, ки дар вазни то 62 кг ҳунарнамоӣ мекард, аз рӯи хол бар варзишгари рус Руслан Богдасарян ғолиб омад. Ҳамин тариқ, медали тиллои Х. Хусравов чорумин нишони  варзишгарони тоҷик дар ин чемпионат гардид. Чанде қабл Акмалиддин Каримов, Беҳрӯз Хоҷазода ва Сорбон Латифов ба дастаи Тоҷикистон медалҳои биринҷӣ оварданд. Дар рӯзи аввали чемпионат варзишгарони тоҷик Ҷомӣ Ҳасан, Мустафо Ҳасанов, Комроншоҳи Устопириён ва Беҳрӯз Зуҳуров (самбои размӣ) аз ҳарифони худ шикаст хӯрда, имконияти идома додани ҳунарнамоиро аз даст доданд. […]

12.11.2018 Нет комментариев Читать далее>

Абдулҳаев Суҳроб дар вазни 82 кг Ҷумҳурии Тоҷикистонро дар чемпионати ҷаҳонӣ муаррифӣ менамояд

Аз санаи 13 то 18 ноябри соли 2018 дар шаҳри Бухарести Ҷумҳурии Руминия  чемпионати ҷаҳон оид ба  гӯштини юнонӣ – румӣ бо иштироки беҳтарин варзишгарони олам баргузор мегардад. Дар ин мусобиқаи бонуфуз Ҷумҳурии Тоҷикистонро узви тими мунтахаби кишвар оид ба гӯштини юнонӣ – румӣ дар вазни 82 кг  Абдулҳаев Сӯҳроб  намояндагӣ мекунанд. Барои иштироки узви тими мунтахаби кишвар дар ин мусобиқоти сатҳи ҷаҳонӣ аз ҳисоби маблағҳои буҷетӣ 19005 сомонӣ ҷудо гардидааст. Ёдовар мешавем, ки Абдулҳаев Сӯҳроб машқҳои тамринии худро дар шаҳри Краснадари Федератсияи Россия гузаронида, умед ҳаст, ки дар ин мусобиқаи сатҳи ҷаҳонӣ натиҷаи хуберо нишон медиҳад.  

09.11.2018 Нет комментариев Читать далее>

Чорабиниҳои варзишӣ бахшида ба Рӯзи Президенти Ҷумҳурии Тоҷикистон идома доранд

 Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба Рӯзи Президенти Ҷумҳурии Тоҷикистон санаи 10-11 ноябри соли 2018 дар шаҳри Бохтари вилояти Хатлон мусобиқаи ҷумҳурияӣ оид ба варзиши сабук миёни варзишгарони имконияташон маҳдуд доир карда мешавад. Дар ин мусобиқа иштироки дастаҳо аз шаҳру ноҳияҳои кишвар аз Вилояти Суғду Хатлон, Хатлон 2, ВМКБ, ШНТМ ва Душанбе дар назар дошта шудааст.

09.11.2018 Нет комментариев Читать далее>

Хуҷанд: Мусобиқаи тирпаронӣ

Аз ҷониби Бахши кор бо ҷавонон ва варзиши шаҳри Хуҷанд дар ҳамкорӣ бо Ташкилоти мададгори мудофиаи вилояти Суғд бобати сазовор ҷашн гирифтани Рӯзи Конститутсия дар толори “тир”-и Ташкилоти мададгори мудофиа мусобиқаи кушоди шаҳри Хуҷанд оид ба тирпаронӣ байни писарон ва духтарон гузаронида шуд. Дар мусобиқаи мазкур 90 нафар дӯсторони ин намуди варзиш аз ҷумла 30 нафар бонувон аз шаҳру ноҳияҳои вилоят иштирок намуда, дар натиҷа ғолибон бо медал, диплом ва тӯҳфаҳои хотиравӣ қадрдонӣ карда шуданд.

08.11.2018 Нет комментариев Читать далее>

Ҷ.Расулов: Мусобиқаи ноҳиявӣ оид ба намуди гӯштини дзюдо

Дар ноҳияи Ҷаббор Расулов аз ҷониби Бахши кор бо ҷавонон ва варзиши ноҳия мусобиқаи кушоди ноҳиявӣ оид ба намуди гӯштини дзюдо бахшида ба гиромидошти хотираи Устоди варзиши Иттиҳоди Шӯравӣ Қулдошов Бобур байни наврасони 2003-2004 ва 2005-2007 гузаронида шуд. Мусобиқа дар толори варзишии “Чемпион”-и ҷамоати Ғулакандоз бо мақсади тарғибу ташвиқи тарзи ҳаёти солим, ҷалби наврасону ҷавонон ба ин намуди варзиш доир гардида, дар он 200 варзишгар аз шаҳру ноҳияҳои Айнӣ, Мастчоҳ, Спитамен, Хуҷанд ва се дастаи ноҳияи Ҷаббор Расулов иштирок ва байни ҳам рақобат намуданд. Дар охири мусобиқа ғолибон муайян ва бо туҳфаҳои хотиравӣ қадрдонӣ гардиданд.

08.11.2018 Нет комментариев Читать далее>

1 2 3 4 5 116